سەرۆکێ لیستا پارتی ل دھۆکێ: ئەڤجارە ب دەنگێن خوە دەستکەفتان دپارێزین

دھۆک-KDP.info- سەرۆکێ لیستا ١٩٠یا پارتی دیموکراتی کوردستان ل بازنەیا دھۆک، داخوازێ ل کاندید و ئەندام و لایەنگرێن پارتی دیموکراتی کوردستان دکەت، پێگیری رێنمایێن کۆمسیۆنێ بن و بانگەشەیەکا ھێمن و شارستانی ئەنجام بدەن و گوت، داخواز دکەین ب دەنگێن خوە ئەڤجارە بشەرعیەتا دیموکراسی دەستکەفتێن نەتەوایەتی و حوکمڕانیا ھەرێمێ بپارێزین.

دکتۆر ئیبراھیم شەڕەفانی، سەرۆکێ لیستا ١٩٠یا پارتی دیموکراتی کوردستان ل بازنەیا دھۆکێ، دداخویانیەکا تایبەتدا ب ماڵپەڕێ فەرمیێ پارتی دیموکراتی کوردستان ڕاگەھاند، ئاستەنگ و نەخۆشی دژیانێدا زۆرن، لێ حیکمەتا سەرکەفتی دخۆراگری و ئاڤاکرن و پێگەھاندنێدایە، لەورا ژپێخەمەت خزمەتکرنا گەل و وڵاتی و مێژوویا دوھی و دەستکەفتێن ئەڤرۆ و بەرھەمێ خوێنا شەھید و پێشمەرگەھێ قەھرەمانە دێ ل سەر رێبازا بارزانیێ نەمر بەردەوام بین، خەلکێ خۆراگرێ پارێزگەھا دھۆکێ پێکڤەبوون ھێڤێنێ سەرکەفتن و دەولەتداری و ئایندەیێ کوردستانێ یە دوھێ مەپێکڤە ب شەرعیەتا شۆرەشگێری ھەرێما کوردستانێ ئاڤاکر، وەرن ئەڤرۆ ئەرکێ مەیە پێکڤە بشەرعیەتا دیموکراسی و دەنگێن خوە دەستکەفتێن نەتەوایەتی و حوکمڕانیا ھەرێما کوردستانێ بپارێزین، ژپێخەمەت ئایندەیەکێ گەشتر بۆ کورد و کوردستانێ.

شەڕەفانی گوتیشی، سەرۆک بارزانی رێبەر و لێڤەگەرێ کوردستانێ بدروشمێ ئارامی و ئاڤەدانی و پێکڤەیی و خۆراگری پەیاما لیستا ١٩٠یا پارتیا مە، پارتی دیموکراتی کوردستان راگەھاند، بڤێ ھەلکەفتا پیرۆز گەرمترین سڵاڤا ئاراستەی ھەوەیێن بەڕێز دکەم و ھیڤیدارم پێکڤە بانگەشەکا ھێمن و دیموکراسی یاپرۆسێسا ھەڵبژارتنێن خولا شەشێ یا پەرلەمانێ کوردستانێ پەیڕەو بکەین.

ناڤھاتی  بەحسا وێ چەندێ ژی کر، داخازێ ل ھەموو کاندید و ئەندام و لایەنگرێن پارتی دکەم، پێگیری رێنما و بڕیارێن کۆمسیۆنێ بن و بانگەشەیەکا ئارام و شارستانی ئەنجام بدەین.

 

بڵند ئیبراھیم