سەرۆک بارزانی پێشوازی لە سەرۆکی کۆماری ئیسلامیی ئێران دەکات
ھەولێر-KDP.info- ڕۆژی پێنجشەممە ١٢ی ئەیلوولی ٢٠٢٤ لە شاری ھەولێر، لە چوارچێوەی سەردانەکەی سەرۆکی کۆماری ئیسلامیی ئێران بۆ عێراق و ھەرێمی کوردستان، سەرۆک مەسعود بارزانی پێشوازی لە بەڕێز مەسعود پزیشکیان سەرۆکی کۆماری ئیسلامیی ئێران کرد.
لەو دیدارەدا بیروڕا لەبارەی بارودۆخی گشتیی عێراق و ناوچەکە ئاڵوگۆڕ کرا و ھەروەھا جەخت لەسەر ھەماھەنگی و پەرەپێدانی پەیوەندییەکان لە بوارە سیاسی و ئابووری و کولتوورییەکانی نێوان ھەرێمی کوردستان و کۆماری ئیسلامیی ئێران کرایەوە.
ھەر لەو کۆبوونەوەیەدا بەڕێز مەسعود پزیشکیان سەرۆکی کۆماری ئیسلامیی ئێران بە فەرمی بانگھێشتی سەرۆک بارزانی کرد بۆ سەردانیکردنی بۆ کۆماری ئیسلامیی ئێران.
