سەرۆکی حکوومەتی هەرێمی کوردستان پێشوازیی لە باڵیۆزی بەریتانیا لە عێراق دەکات
هه‌ولێر-KDP.info- ئەمڕۆ چوارشەممە 3/27 ، مەسروور بارزانی سەرۆکی حکوومەتی هەرێمی کوردستان، پێشوازی لە ستیڤن هیچن، باڵیۆزی بەریتانیا لە عێراق کرد.
لە کۆبوونەوەکەدا هەردوولا هاوڕاوبوون لەسەر گرنگیی پاراستن و ڕێزگرتن لە قەوارەی دەستووریی هەرێمی کوردستان و دابینکردنی ماف و شایستە داراییەکانی خەڵکی کوردستان.
تەوەرێکی گفتوگۆکان، تایبەت بوو بە هەڵبژاردنی پەرلەمانی کوردستان، لەم بارەیەوە سەرۆکی حکوومەت دووپاتی کردەوە، کە ئێمە داکۆکیی لە هەڵبژاردنێکی پاک و بێگەرد و یاسایی و دادپەروەرانە دەکەینەوە کە مافی هەموو لایەنەکان و گشت پێکهاتەکانی هەرێمی کوردستانی تێدا پارێزراو بێت.
