مەکتەبی سیاسی پرسەنامەیەک ئاراستەی خانەوادەی (ئەحمەد حەمە خورشید) دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی هەڤاڵ (ئەحمەد حەمە خورشید) دەکات.
دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی هەڤاڵ (ئەحمەد حەمە خورشید)
بەڕێزان/ خانەوادەی هەڤاڵ (ئەحمەد حەمە خورشید)
بە دڵگرانییەکی زۆرەوە هەواڵی کۆچی دوایی خاتوو (شەرمین) کچی بەڕێزتانمان بیست، بە خەمناکییەوە پرسە و سەرەخۆشی خۆمان ئاڕاستەی ئێوە و کەسوکار و بنەماڵە تێکۆشەرەکەتان دەکەین، خۆمان بەهاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و دۆست و ئازیزانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە خوای گەورەش داواکارین خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت .
مەکتەبی سیاسیی پارتی دیموکراتی کوردستان
١٠ی ئاداری٢٠٢٤
