دکتۆر شاخەوان عەبدوڵا : بابەتی بەسەربازگەکردنی تۆپزاوە چارەسەر کرا

جێگری سەرۆکی پەرلەمانی عێراق ئاشکرایکرد: بابەتی  تۆپزاوە و بەسەربازگەکردنی گەیەندراوەتە سەرۆک وەزیرانی عێراق، ئەویش بەڵێنی دابوو ئەو بابەتە چارەسەر بکات، هەر ئەمڕۆیش هێزەکە کشانەوە و چارەسەر کرا.

دکتۆر شاخەوان عەبدوڵا، جێگری سەرۆکی پەرلەمانی عێراق، بۆ ماڵپەڕی فەرمیی پارتی دیموکراتی کوردستان گوتی: لەگەڵ  سەرۆک وەزیرانی عێراق محەمەد شیاع سودانی بابەتی تۆبزاوە و بەسەربازگە کردنیمان باسکرد و بە سوپاسەوە بەڵێنیدا لێکۆڵینەوە بکات و چارەسەری ئەو بابەتە بکات.
دکتۆر شاخەوان عەبدوڵا گوتیشی، نوسراوێکمان ئاراستەی سەرۆک وەزیران کرد وردەکاری هەوڵی بەسەربازگەکردنی ئەو گوندەی تێدایە و داواکاری فراکسیۆنە کوردستانییەکان بۆ هەمان مەبەست هاوپێچ کراوە، بۆیە ئەمڕۆ ئەو بابەتە چارەسەرکرا و هێزەکە لە تۆپزاوە کشانەوە .

بڵند ئیبراهیم