مەکتەبی سیاسیی پارتی پرسەنامەیەک ئاڕاستەی حەمید بەرواری دەکات

ھەولێر-KDP.info- مەکتەبی سیاسیی پارتی دیموکراتی کوردستان پرسەنامەیەک ئاراستەی خانەوادەی حەمید بەرواری ده‌كات. 

بەناوی خوای بەخشندە و میھرەبان

بەڕێزان خانەوادەی (حەمید بەرواری) 

بەداخ و پەژارەیەکی زۆرەوە ھەواڵی کۆچی دوایی خاتوو (نازدار محەمەد سادق) ھاوژینی کەسایەتی تێکۆشەر و فەرماندە و پێشمەرگەی شۆڕشی مەزنی ئەیلول و گوڵان، خەباتگێڕ و سەرکردەی دیاری پارتیمان و ھەڵگری میدالیای بارزانی خوالێخۆشبوو (حەمید بەرواری) ناسراو بە (عەریف حەمید بەرواری)مان پێگەیشت.

خوالێخۆشبوو خاتوو(نازدار محەمەد) ئافرەتێکی قارەمان و کوردپەروەر و دایکێکی میھرەبان و کۆڵنەدەر بوو، بە خەمناکییەوە سەرەخۆشیی خۆمان ئاراستەی خانەوادە ‌ نیشتیمانپەروەر و سەربەرزەکەتان و گشت خزم و دۆست و ئاشنایانتان دەکەین و، خۆمان بە ھاوبەشی خەمتان دەزانین.

لە خودای گەورە داواکارین ئارامی و دڵنەواییتان پێببەخشێت و گیانی دایکی کۆچکردویشتان بەر رەحمەتی خۆی بخات و بە بەھەشتی بەرینی شاد بکات.

 

انا للە و انا الیە راجعون

 

مەکتەبی سیاسی پارتی دیموکراتی کوردستان