13 پرۆژێن ئاڤێ ل دهۆکێ د قووناغا بجهئینانێ دانە
دهۆک-KDP.info- رێڤەبەرێ ئاڤا دهۆکێ دیار کر کو بجهئینانا پرۆژێن ئاڤێ وەکو هەمی پرۆژێن دی یێن خزمەتگۆزاری یێن کو ل سەردەمێ کابینا نەهێ یا حکومەتا هەرێما کوردستانێ دهێنە ئەنجامدان ل پارێزگەها دهۆکێ یا بەردەوامە و نوکە 13 پرۆژێن ئاڤێ ب گوژمێ پتری پێنج ملیار دیناران ل هەمان پارێزگەهـ دقووناغا بجهئینانێ دانە.
ئەندازیار ڤەگێر ئەحمەد، رێڤەبەرێ ئاڤا دهۆکێ بۆ ماڵپەرێ فەرمیێ پارتی دیموکراتی کوردستان دیار کر کو رێڤەبەریا ئاڤا دهۆکێ نوکە مژوولی بجهئینانا 13 پرۆژێن ئاڤێ یە ب گوژمێ پێنج ملیار و 740 ملیون دیناران و گۆت: "ئەڤ پرۆژە د قووناغێن جوداجودا یێن بجهئنانێ دانە، ژوان پرۆژان دابینکرنا کەلوپەل و کەرستێن تافیلکرنا ئاڤێ ل پرۆژێن سەرەکی یێن خراب دێم و سحێلا و بیرا، هەروەسا پرۆژێ دابینکرنا کەلوپەلا بۆ سەخبێرکرنا پێکهاتێن پرۆژێ ئاڤا دهۆکێ و پرۆژێ ئاڤاکرنا کوگەهەکا گشتی یا ئامیر و کەلوپەلێن رێڤەربەریا ئاڤا دهۆکێ و پرۆژێ دابینکرنا کەرستێن سەخبێریا بیرا و پرۆژێ دابینکرن و دانانا پرۆژێن ئاڤێ ل ناحیا مانگێش و پرۆژێ دابینکرنا بوریا و پاشبەندا و قفلا بۆ سەخبێریا تورێن ئاڤێ".
ناڤهاتی ئاماژە دا وێ چەندێ کو د چارچۆڤێ وان پرۆژێن ئاڤێ یێن کو نوکە د قووناغا بجهئینانێ دا کار د گوهۆڕینا سوفت ستارتەرێن پرۆژێ ئاڤا دهۆکێ ویستگەها سێمێلێ یا کەڤن دا دهێتە ئەنجامدان و پرۆژێ دابینکرن و دانانا تورێن ئاڤێ ل سەنتەرێ باژێرێ دهۆکێ و پرۆژێ کولانا بیرا ل سەنتەرێ باژێرێ دهۆکێ و چەند گوندا ل ناحیێن زاویتە ومانگێش و پرۆژێ ئاڤاکرنا عومبارێن کونکریتی و دابینکرن و دانانا بوریێن پۆلی ئەسیلین ل گوندێن بێسفکێ و باجلۆر و زێوە شەفیق و گوندک نەبی وئەڤریکێ و پرۆژێ دابینکرن و دانانا بوریان بۆ هێلێن سەرەکی و تورێن ئاڤێ ل گوندێن بێسرێ و باگێرا و پرۆژێ گرێدانا هێلا سەرەکی 700-900 ملم و دانانا قفلا ل سەر هێلا دگەل ئاڤاکرنا مەنهۆلا سێمێل و مالتا و پرۆژێ دابینکرنا کەرستە و کەلوپەلێن پێدڤی بۆ دووبارە نووکرن و کارئێخستنا وەرگرێن ئاڤێ 2-1 ل ویستگەها پالدانێ ل پرۆژێ ئاڤا کەڤن یا دهۆکێ ل چەم بەرەکاتی ژی د قووناغا بجهئینانێ دانە.
رێوار محەمەد رەشید
