ب کوژمێ پتری دوو ملیار دیناران پرۆژە ل دهۆکێ رەوانەیی بجهئینانێ هاتنەکرن

دهۆک-KDP.info- سکرتێرێ رۆژنامەڤانی یێ پارێزگارێ دهۆکێ دیار کر کو پ.د.عەلی تەتەر، پارێزگارێ دهۆکێ ئەڤرۆ رۆژا 30/11/2022 ژمارەکا پرۆژێن نوی یێن خزمەتگۆزاری ب کۆژمێ پتری دو ملیار دیناران رەوانەیی بجهئینانێ کرن.

مللەت عسمەت، سکرتێرێ رۆژنامەڤانی یێ پارێزگارێ دهۆکێ بۆ ماڵپەرێ فەرمیێ پارتی دیموکراتی کوردستان ئاشکرا کر کو د بەردەوامیا چێکرنا پرۆژێن نوی یێن خزمەتگۆزاری دا ل پارێزگەها دهۆکێ ئەڤرۆ ژمارەکا پرۆژێن نوی یێن خزمەتگۆزاری ب کوژمێ دوو ملیار و 813 ملیۆن و 570 هزار دیناران ژ لایێ پارێزگارێ دهۆکێ ڤە رەوانەی بجهئینانێ هاتنەکرن ژ وان پرۆژان ژی پرۆژێن چێكرن و سه‌خبێركرنا رێكێن ناڤخۆیی دگه‌ل سۆلینا ل کومەلگەها باگێرا و چێكرن و سه‌خبێركرنا رێكێن ناڤخۆیی ل ناحیا مانگێشكێ و قێركرنا رێكێن ناڤخۆیی ل سه‌نته‌رێ قه‌زا دهۆکێ و چێكرن و سه‌خبێركرنا رێكێن ناڤخۆیی ل سه‌نته‌رێ ناحیا بامه‌رنێ، هەروەسا سه‌بكرنا رێكێن ناڤخۆیی ل ناحیا كانی ماسێ و گوندێ دێرگژنیكێ بدرێژاهیا (700)م دگه‌ل دانانا سولینا پایپ (130)سـم بدرێژاهیا (290)م ل بریفكا و چێكرنا رێكێن ناڤخۆیی، دگه‌ل شوستا ل ئامێدیێ و كانیا مالا و چێكرن و سه‌خبێركرنا رێكێن ناڤخۆیی ل سه‌نته‌رێ چه‌مانكێ ب كوژمێ ملیارەک و 119 ملیۆن دیناران و گۆت: "د هەمان دەم دا  چێكرنا پرۆژێ ئاڤێ بۆ گوندێ گڤارا ل ناحیا ئه‌تریش و گوندێن ( مه‌لا بروان كه‌ڤن - گرزەنگل ) ل ناحیا قه‌سرۆكێ و ( تاخا كانی ره‌شكێ و پێكڤه‌ژیان ) ل سه‌نته‌رێ قه‌زا شێخان ب کۆژمێ 567 ملیۆن و 967 هزار دیناران رەوانەی بجهئینانێ هاتینەکرن".

ناڤهاتی ئاماژە دا وێ چەندێ کو هەر د چارچۆڤێ وان پرۆژێن خزمەتگۆزاری دا یێن کو ئەڤرۆ ژ لایێ پارێزگارێ دهۆکێ ڤە هاتینە ڕاگەهاندن، دابینكرن و دانان و دانه‌کاری یا ئامیرێ (Infant Incubator ) بۆ نه‌خۆشخانا هیڤی یا زارۆكا بۆ فێركرنێ ل پارێزگه‌ها دهۆكێ ب كوژمێ 114 ملیۆن و 500 هزار دیناران، هەروەسا پرۆژێ چێكرنا قوتابخانا (شەش) رێزی ل سه‌نته‌رێ ناحیا روڤیا-قه‌زا به‌رده‌ره‌ش ب كوژمێ 179 ملیۆن و 735 هزار دیناران رەوانەی بجهئینانێ هاتنەکرن، هەروەسا و گۆت: "پروژێ دروستكرنا سکرێ گوندێ زیوك سندی ب كوژمێ 454 ملیۆن و 650 هزار دیناران، هەروەسا پرۆژێ ئاڤاكرنا عمبارێن كونكریتی و دابینكرنا بوریێن ئاڤێ پۆلی ئه‌سیلین ل گوندێ (بێسفكێ -باجلۆر- زێوه‌ شه‌فیق- گوندك نه‌بی - ئه‌ڤریكێ) و دابینكرن و دانانا بوریان بۆ هێلێن سه‌ره‌كی و تۆرێن ئاڤێ ل گوندێ (بێسرێ، باگێرا، كێردینكێ، دێراگژنیك) ب كوژمێ 377 ملیۆن و 718 ملیۆن دیناران رەوانەی بجهئینانێ هاتنەکرن".

رێوار محەمەد رەشید