نێچیرڤان بارزانى پێشوازى له به‌ڕێز فه‌خرى كه‌ریم كرد
ئه‌مڕۆ سێشه‌ممه 2022/4/26 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له كه‌سایه‌تیى سیاسیى عیراق به‌ڕێز كه‌ریم فه‌خرى كرد.
له دیدارێكدا ده‌رباره‌ى دوایین پێشهاته‌كانى دۆخى سیاسیى وڵات، هه‌وڵه‌كان بۆ هه‌ڵبژاردنى سه‌رۆكى كۆمار و سه‌رۆك وه‌زیرانى داهاتووى عیراق، ته‌حه‌دییه‌كانى ئه‌م قۆناغه و پێشنبینییه‌كان بۆ داهاتووى پرۆسه‌ى سیاسى له وڵات، گفتوگۆیان كرد و بیروڕایان گۆڕییه‌وه.
هه‌ردوولا هاوڕا بوون له‌سه‌ر پێویستیى و گرنگیى هاریكاریى نێوان هێز و لایه‌ن و پێكهاته‌كانى عیراق بۆ هه‌نگاونان به‌ره‌وپێشه‌وه و ده‌رچوونى دۆخى سیاسى له چه‌قبه‌ستوویى و گه‌یشتن به ده‌ره‌نجامێك كه وه‌ڵامده‌ره‌وه‌ى دۆخى ئێستا و داهاتووى وڵات و پێویستییه‌كانى بێت.
