مه‌سرور بارزانی سەرەخۆشی لە نوێنەری حکوومەتی ھەرێم لە سویسرا دەکات
ئەمڕۆ چوارشەم سەرۆکی حکوومەتی هەرێمی کوردستان لە پەیوەندییەکی تەلەفۆنیدا سەرەخۆشی لە فەوزی قەدوور نوێنەری حکوومەتی ھەرێمی کوردستان لە سویسرا کرد بۆ کۆچی دوایی د. قەھرەمانی برای.
مەسرور بارزانی سەرۆکی حکوومەت پرسە و هاوخەمیی خۆی پێگەیاند و هیوای خواست خوای مەزن گیانی خوالێخۆشبوو بە بەهەشت شاد بکات و سەبر و ئارامیش بە بنەماڵەکەیان ببەخشێت.
نوێنەری حکوومەتی ھەرێم لە سویسرا سوپاس و پێزانینی خۆی و بنەماڵەکەی بۆ پەیوەندیی و سەرەخۆشیکردنی سەرۆکی حکوومەتی هەرێمی کوردستان دەربڕی.
