سەرۆک بارزانی و خەمیس خەنجەر قۆناغی دوای هەڵبژاردن تاوتوێ دەکەن
ھەولێر-KDP.info- سەرۆک بارزانی و سەرۆکی هاوپەیمانیی عەزم، گفتوگۆ لەبارەی قۆناغی دوای هەڵبژاردنی پێشوەختەی پەرلەمانی عێراق، دەکەن.
ئەمڕۆ یەكشەممە 17ـی تشرینی یەكەمی 2021 لە سەلاحەددین سەرۆك مەسعود بارزانی پێشوازی لە خەمیس خەنجەر سەرۆكی هاوپەیمانێتی عەزم كرد.
لە دیدارەكەدا بارودۆخی سیاسیی عێراق و چۆنیەتی بەڕێوەچوونی هەڵبژاردنی ئەنجوومەنی نوێنەرانی عێراق تاوتوێ كرا و، رۆشنایی خرایە سەر قۆناغی دوای هەڵبژاردنەكان و هەردوولا هیوایان خواست كە ئەنجامەكانی هەڵبژاردن ببێتە هۆی بەدیهاتنی سەقامگیری و راستەڕێبوونی پڕۆسەی سیاسیی عێراق.
