پێنچ رێڤه‌به‌رێن ناوچه‌داریێن پارێزگه‌ها دهۆكێ هاتنه گوهۆرین
دهۆك-KDP.info- دچارچوڤێ وان گوهورینێن به‌رده‌وام یێن دناڤ دام وده‌زگه‌هێن حكومه‌تا هه‌رێما كوردستانێ دا ل سنورێ پارێزگه‌ها دهۆكێ دهێنه ئه‌نجامدان ئه‌ڤرۆ به‌رى نیڤرو 18-5-2021ل كوچكا مێهڤانداریا ب ئاماده‌بونا به‌رێزان د. على ته‌ته‌ر پارێزگارێ دهۆكێ و ده‌ڤه‌ردارێن دهوك و ئاكرێ و ئامێدیێ مه‌راسیمێن ده‌ست ب كاربوونا پێنچ رێڤه‌به‌رێن ناوچه‌داریان (مانگێشكێ و زاویته و گرده‌سین و بجێل و شێلادزێ) هاتنه گێران.
پارێزگارێ دهۆكێ دپه‌یڤه‌كێدا گوت: گوهۆرین دناڤ ده‌زگه‌هێن میرى دا تشته‌كێ ئه‌رێنى و سروشتیه و چه‌ند شیره‌ت و ئاموژگارى ئاراسته‌ى رێڤه‌به‌رێن نوو یێن هه‌ر پێنچ ناوچه‌داریان كرن وته‌كه‌ز كر كو هه‌ر كار و خزمه‌ته‌كا بهێته پێشكێشكرن دڤێت دچارچوڤێ رێنما و قانونێن حكومه‌تا هه‌رێما كوردستانێ دابن و رێگرى ل هه‌موو زێده‌گاڤیا بهێته گرتن وب یه‌كسانى وبباشترین شێوه و ب رێزگرتن خزمه‌تا گشتى یا هه‌موو هاوولاتیان بهێته‌كرن و پشته‌ڤانیا پارێزگه‌هێ نیشان دا بۆ هه‌ر هاریكاریه‌كێ وسه‌ركه‌فتن بۆ هه‌موویان خواست.
ل دوماهیێ فه‌رمانێن كارگێرى یێن ده‌ست ب كاربونا هه‌موو رێڤه‌به‌رێن ناوچه‌داریا هاتنه راده‌ستكرن.
بڤى ره‌نگی :-
1- ادریس محمد رێڤه‌به‌رێ ناوچداریا زاویته.
2- بریندار حیدر رێڤه‌به‌رێ ناوچه‌داریا مانگێشكێ.
3- رزگار عبید رێڤه‌به‌رێ ناوچه‌داریا شێلادزێ.
4- احمد سلێمان رێڤه‌به‌رێ ناوچه‌داریا گرده‌سین.
5- منهل موفق شهاب رێڤه‌به‌رێ ناوچداریا بجێل.
