مەکتەبی سیاسی پارتی سەرەخۆشیی لە خانەوادەی حەمەی کاکەڕەزا دەکات

بەڕێزان خانەوادەی خوالێخۆشبوو حەمەی کاکەڕەزا

خەمباربووین بە بیستنی ھەواڵی کۆچی دوایی کادیر و پێشمەرگەی شۆڕشی مەزنی ئەیلول و سەرکردەی تێکۆشەری شۆڕشی گوڵان، کەسایەتی ناودار و نیشتمان پەروەر (حەمەی کاکەڕەزای سەرگەڵو).

بەم بۆنە خەمناکەوە پرسە و سەرەخۆشی ئاراستەی ئێوەی بەڕێز و تەواوی بنەماڵە کوردپەروەرەکەتان و کەس و کار و دۆست و ھەڤاڵانی خوالێخۆشبوو دەکەین و ھاوبەشی خەم و پەژارەتانین.

لە خودای گەورە داواکارین ئارامی و دڵنەوایی بە ھەموولایەک ببەخشێت و گیانی کۆچکردوویش بە بەھەشتی بەرین شادبکات.

 

اناللە وانا الیە راجعون

مەکتەبی سیاسی پارتی دیموکراتی کوردستان