حكوومه‌تی هه‌رێم شه‌ش ملیار دیناری دیكه‌ی بۆ نۆژه‌نكردنه‌وه‌ی ڕێگاكان ته‌رخان كرد
هه‌ولێر-KDP.info- بریكاری وه‌زاره‌تی ئاوه‌دانكردنه‌وه و رێگەوبان دەڵێ، دوای ئه‌وه‌ی حكوومه‌تی هه‌رێم 33ملیار دیناری بۆ نۆژه‌نكردنه‌وه‌ی ڕێگاكانی هه‌رێم ته‌رخان كرد، ئێستا شه‌ش ملیار دیناری دیكه‌یشی ته‌رخان كردووه بۆ ئه‌وه‌ی ڕێگای كۆیه_ سماقوڵیش نۆژەن بكرێته‌وه.
سدقی ئامێدی، بۆ ماڵپه‌ڕی فه‌رمیی پارتی دیموكراتی كوردستان گوتی: "حكوومه‌تی هه‌رێمی كوردستان 33ملیار دیناری بۆ نۆژه‌نكردنه‌وه‌ی ڕێگاكانی هه‌رێمی كوردستان ته‌رخان كرد و، ئێستا نۆژه‌نكردنه‌وه‌ی ڕێگاكانی سنووری حاجی ئۆمه‌ران و چۆمان و هه‌ولێر و شه‌قڵاوه و سۆران ده‌ستی پێ كردووه و شه‌ش ملیار دیناری دیكه‌ش بۆ ڕێگای سماقوڵی_كۆیه ته‌رخان كراوه، کە لەسەریەک ده‌كاته 39ملیار دینار."
سدقی ئامێدی گوتیشی: "ئێستا به‌ڵێنده‌ران كاری به‌رده‌وام ده‌كه‌ن و بڕیاره تاوه‌كو وه‌رزی سه‌رما دێت هه‌موو ڕێگاكان نۆژه‌ن بكرێنه‌وه، چونكه حكوومه‌ت بڕیاری داوه و پارەیشی بۆ ته‌رخان كردووه."
بڵند ئیبراهیم
