سێ رێڤەبەرێن پولیسان ل پارێزگەها دهۆکێ هاتنە گهورین

دهۆک-KDP.info-  سێ رێڤەبەرێن پولیسان ل پارێزگەها دهۆکێ هاتنە گهورین و هەر سێ رێڤەبەرێن نوویێن پولیسێن قەزا شێخان، قەزا ئاکرێ و قەزا بەردەرەش هەر نوکە دەست بکار بووینە ژبۆ خزمەتکرنا دەڤەرێن ناڤبرى.

 

سەردار یەحیا، قایمقامێ قەزا شێخان بۆ مالپەرێ فەرمیێ پارتى دیموکراتى کوردستان گۆت:" بریارا گهورینا سێ رێڤەبەرێن پولیسان ل پارێزگەها دهۆکێ هاتەدان و هەر سێ رێڤەبەرێن نوویێن پولیسێن قەزا شێخان، قەزا ئاکرێ و قەزا بەردەرەش هەر نوکە دەست بکار بووینە ژبۆ خزمەتکرنا دەڤەرێن ناڤبرى ".

 

سەردار یەحیا خویاکر:" رێڤەبەرێ بەرێ یێ پولیسێن قەزا شێخان عەمید زیدان خزمەتەکا پێشچاڤ گەهاندیە قەزا شێخان، کۆ دماوەیێ شەرێ جەنگێ دژى تیرۆرستێن داعشێ رۆلەکێ بەرچاڤ هەبوویە ل دەڤەر، ژبەر لوى دەمى قەزا شێخان سەرسنوور بوو دگەل میحوەرێ ناوەران یێن دناڤبەرا پێشمەرگەیى و تیرۆرستێن داعشێدا و داکو خزمەتا وى ب هەرەوە نەجیت بۆ رێڤەبەریا دارستانێ ل قەزا ئاکرێ هاتە ڤەگوهاستن".

 

مقدم هێمن سلیمان، بەرپرسێ پەیوەندى و راگەهاندنا رێڤەبەریا پولیسێن پارێزگەها دهۆکێ بۆ مالپەرێ فەرمیێ پارتى دیموکراتى کوردستان زەلالکر:" هەر ئێک ژ عەمید سەعدى وەک رێڤەبەرێ نوو یێ پولیسێن قەزا بەردەرەش و عەقید رەشید محەمەد وەک رێڤەبەرێ نوو یێ پولیسێن ئاکرێ و مقدم ئومید حەمید وەک رێڤەبەرێ پولیسێن شێخان دەست بکار بوو".

 

هەلز عەلى سەلیم