پارچەیێن ئەردى لسەر زیندانیێن سیاسى دێ ئێنە بەلاڤکرن

دهۆک-KDP.info- ئەردێ هاتیە دەست نیشانکرن بۆ زیندانیێن سیاسى هەمى رێکارێن یاسایى وەرگرتینە و برێکا پشک کێشانێ دێ ئەو ئەردە لسەر کەسانێن زیندانێن سیاسى ئێنە بەلاڤکرن، کو 250ى زیندانیێن سیاسى یێن دهۆک و قەزا ئامیدیێ دێ دمفادار بن.

بۆ ماوەیەکى یە زیندانیێن سیاسى ل بەندا وەرگرتنا پارچەیێن ئەردى، لڤێ دووماهیێ ئەنجوومەنى وەزیران رازەمەندیا خو دیارکر لسەر پێدانا پارچەیێن ئەردى بۆ کەسێن نەمفادار ژ زیندانیێن سیاسى، بۆ ڤێ مەرەمێ دیار بەحرى، رێڤەبەرێ گشتیێ باژێرڤانیا دهۆکێ بۆ مالپەرێ فەرمیێ پارتى دیموکراتى کوردستان گۆت:" ئەردێ هاتیە دەست نیشانکرن بۆ زیندانیێن سیاسى هەمى رێکارێن یاسایى وەرگرتینە و برێکا پشک کێشانێ دێ ئەو ئەردە لسەر کەسانێن زیندانێن سیاسى ئێنە بەلاڤکرن".

دیار بەحرى خویاکر:" ل دەمەکێ نیزیک دێ 250ى زیندانێن سیاسى ل دهۆکێ پارچەیێن ئەردى وەرگرن، دیسان ئەو کەسانێن رازەمەندیا وەرگرتنا ئەردى هەیى گەلەکن، بەلێ ژ ئەگەرێ نەبوونا ئەردێ پێدڤى ئەم نەشیاینە تا نوکە هەمیان دابین بکەین".

کامل زێوەیى، رێڤەبەرێ کومکاریا زیندانیێن سیاسى ل دهۆکێ بۆ مالپەرێ فەرمیێ پارتى دیموکراتى کوردستان زەلالکر:" پارچەیێن ئەردى ل ناحیا سیمێلێ بۆ 250ى زیندانیێن سیاسى یێن دهۆک و قەزا ئامیدیێ هاتینە دابینکرن".

کامل زێوەیى پتر ئاخفت:" نیزیکى شەش هزار زیندانیێن سیاسى هەنە، گەلەکێن ژوان دمفادارن و یێن دیتر دێ گەر گەر پارچەیێن ئەرى لسەر ئێنە بەلاڤکرن".

هەلز عەلى سەلیم