ل دهۆکێ پلانا ستراتیژیا ئاڤ و سۆلینان بو پێنچ سالا هاته راگه‌هاندن
دهۆک-KDP.info- زانکۆیا دهۆک ب هه‌ڤکارى دگه‌ل رێکخراوا GIZ و رێکخراوا یونسێف بەحسکر ل پلانانا ستراتیژی یا ئاڤ و سۆلینان بۆ پێنچ سالان کر، كو تا نوكە چەندین پروژه‌یێن تایبه‌ت بو ئاڤێ دروستکرینە و تایبەت بۆ دەڤەرا فه‌یدیێ و که‌مپێن ئاواره و په‌نابه‌ران ل دومیز و چەند جهێن دیتر
کۆنفرانسێ راگه‌هاندنا پلانا ستراتیژیا پارێزگه‌ها دهۆکێ بۆ ئاڤ و سۆلینان ب بەرهەڤبوونا وه‌زیرا باژێرڤانی و گه‌شت و گۆزارێ نه‌ورۆز مه‌ولود، پارێزگه‌رێ دهۆکێ فه‌رهاد ئه‌مین ئەتروشى و سه‌رۆکێن زانکۆیێن پارێزگه‌ها دهۆکێ و قایمقامێن پارێزگه‌هێ و رێڤه‌به‌ر و بسپۆرێن ئاڤ و سۆلینان و به‌رپرسێن رێکخراوێن مرۆڤایه‌تی هاته ئه‌نجامدان، ژبۆ ڤێ ئێکێ سه‌رۆکێ زانکۆیا دهۆک پ. د. مصلح دهۆکی بۆ مالپەرێ فەرمیێ پارتى دیموکراتى کوردستان گۆت:" گرنگە ئاڤ ب شێوەکێ دروست و لسەر بنەمایەیێن ژینگەهى بهێتە بکار ئینان و پاراستنا ئاڤێ ب ئەرکێ خۆ بزانین و ب ره‌نه‌گه‌کێ باشتر سه‌ره‌ده‌ری دگه‌ل مه‌زاختنا وێ بهێته‌کرن".
نەورۆز مەولود، وه‌زیرا باژێرڤانی و گه‌شت وگۆزارێ دپه‌یڤا خودا ده‌ست خۆشی ل وان لایه‌نان کر یێن پلانا پێنچ سالی بۆ پاراستنا ئاڤێ بەرهەڤکرى و سوپاسیا رێکخراوا GIZ یا ئه‌لمانی کر کو گه‌له‌ک هاریکاری دڤێ ئێکێدا کرینه و زەلالکر:" رێکخراوا GIZ یا ئه‌لمانی چەندین پروژه‌یێن تایبه‌ت بو ئاڤێ دروستکرینە و ب تایبەت بۆ دەڤەرا فه‌یدیێ و که‌مپێن ئاواره و په‌نابه‌ران ل دومیز و چەند جهێن دیتر".
وه‌زیرا باژێرڤانی و گه‌شت وگۆزارێ بەحسکر، دێ وەزارەت ب هەمى شیانان پشته‌ڤانیێ ژبۆ بجهئینانا پلانا ستراتیژی یا ئاڤ و سۆلینان ل پارێزگه‌هێ دهۆکێ کەت.
فەرهاد ئەتروشى، پارێزگه‌رێ دهۆکێ بۆ مالپەرێ فەرمیێ پارتى دیموکراتى کوردستان خویارکر:" ئاڤێ گرنگیەکا تایبەت هەیە چ بوارێ ڤه‌خارنێ دا یان بوارێ چاندنێ دا و گەلەکا فه‌ره سه‌ره‌ده‌ریه‌کا رێکخستی دگه‌ل ئاڤێ بهێته‌کرن نه‌خاسمه رۆژ بۆ رۆژێ ئاریشا کێمبوونا ئاڤێ ل رۆژهه‌تا ناڤێن په‌یدا دبیت و گرفتاری ژێ چێدبن".
فەرهاد ئەتروشى زەلالکر:" ئۆمێدەوارم ئه‌ڤ پلانا ستراتیژی ببیته هوکار، کو ئاڤ کێمتر بهێته مه‌زاختن و سه‌رده‌ری ب ره‌نگه‌کێ باشتر دگه‌ل ب کارئینانا وێ بهێته‌کرن و ئاڤ دهه‌مى بواراندا بره‌نگه‌کێ ئابوری بهێته مه‌زاختن، دیسان کەرتێ په‌روه‌رده ژی گرنگیێ ب بابه‌تێ ئاڤێ بده‌ت کو.
زانکۆیا دهۆک ب هه‌ڤکارى دگه‌ل رێکخراوا GIZ و رێکخراوا یونسێف بەحسکر ل پلانانا ستراتیژی یا ئاڤ و سۆلینان بۆ پێنچ سالان کر، ل دووماهیێ پلانانا ستراتیژی یا ئاڤ و سۆلینان بۆ پێنچ سالان ژلایێ (مسعود کاره‌ش) نوینه‌رێ وه‌زاره‌تا باژێرڤانی و گه‌شت و گۆزارێ هاته راگه‌هاندن، کو بریاره تا سالا 2023 به‌رده‌وام بیت.
هەلز عەلى سەلیم
