شیانێن بەرهەمئینانا پترۆلێ ل هەرێما کوردستانێ زێدەبوویە

دهۆک-KDP.info- مامۆستایەکێ زانکۆیێ و پسبور دبوارێ نەفت و گازێدا راگەهاند، دڤێ قۆناغێدا شیانێن هەرێما کوردستانێ دبەرهەمئینانێدا زێدە بووینە و بیرێن پترۆلێ دەردئێخیت، دیسان بهایێ ڤرۆتنا پترۆلێ دبازارێ جیهانیدا زێدەبوویە و ئەڤە دپەرژەوەندیا حکومەتا هەرێما کوردستانێدایە.

 

روودانێن 16ى ئیکتوبەرا 2017ێ، بوویە ئەگەرێ ژدەستدانا 50% ژئاخا هەرێما کوردستانێ و ڤێ ئێکێ زیانێن مەزن گەهاندنە ئابۆرێ هەرێما کوردستانێ، بەلێ نوکە رەوشا ئابۆریا حکومەتا هەرێمێ بەرەڤ باشتر دجیت، ژبەر ڤێ ئێکێ  کاوە عبدالعزیز، مامۆستایێ زانکۆیێ و پسبور دبوارێ نەفت و گازێدا بۆ مالپەرێ فەرمیێ پارتى دیموکراتى کوردستان ئاخفت:" روودانێن 16ى ئێکتوبەرا 2017ێ، کارتێکرنێن خۆیێن سیاسى و کومەلاتى و رەوشەنبیرى و لەشکەرى  و ئابۆرى ژى لسەر رەوشا هەرێما کوردستانێ هەبووینە، کۆ کارتێکرنا ئابۆرى ئەو بوویە حکومەتا هەرێمێ پشکەکا مەزنا پترۆلا خۆ یادەردئێخست و دڤرۆت ژ دەستدا، جونکى دەڤەرێن دکەفنە لبن بەندێ 140 یێ دستورێ عیراقێ پتریا وان کەفتنە لژێر ددەستێ حەشدا شەعبى و سۆپایێ عیراقێ  و هەرێما کوردستانێ 26% ژ پترۆلا هەرێمێ و زێدەبارى 11 ملیار بەرمیلێن پترۆلا یەدەک یێن ژێر ئەرد ژدەستدان و ئەڤە ئێک ژئەنجامێن خیانەتا نافخۆیى بوو".

 

پسبور دبوارێ نەفت و گازێدا گۆت:" ژدەستدانا پترۆلا کەرکوکێ زیانێن مەزن ل کارێ حکومەتا هەرێما کوردستانێ کرن دبوارێ خزمەتگوزاریدا، هەروەسا پاشکەوتکرن و نەدانانا مووچەیێ فەرمانبەران و مووچەیێ فەرمانبەرێن کەرکوکێ یێن سەر ب حکومەتا هەرێما کوردستانێ ڤە".

 

ل دەستپێکا سالا 2018ێ، پترۆل ل بازارێ جیهانى بلند بوویە و حکومەتا هەرێما کوردستانێ شیایە 350 هزار بەرمیلێن نەفتێ رەوانەیى بازارێن جیهانى بکەت، کۆ  گهورینێن دبهایێ پترۆلا جیهانیدا هاریکارى بوویە رەوشا هەرێما کوردستانێ بەرڤ باشتر بجیت.

 

کاوە عبدالعزیز خویاکر:" پشتى هەولێن ژناڤبرنا هەرێما کوردستانێ ژلایێ حکومەتا عیراقێ و ئەنجیدەیێن دەرڤە هاتیەکرن و سەرارایى وێ دوورپێچا ئابۆرى یاحکومەتا عیراقێ لسەر هەرێما کوردستانێ سەپاندى، بەلێ سەرۆکێ حکومەتا هەرێما کوردستانێ (نیچیرڤان بارزانى) و سەرکردایەتیا سیاسییا پارتى دیموکراتى کوردستان شیا حکومەتا عیراقا فیدرال نەجار و رازى بکەت  کو قەرەبوویا پشکەکا وێ زیانێ بکەتن یا ژئەنجامێ ژدەستدانا پترۆلا کەرکوکێ کرى، کۆ نیزیکى 317 ملیار دولارا هەیڤانە بدەتە حکومەتا هەرێمێ".

 

مامۆستایێ زانکۆیێ زەلالکر:" دڤێ قۆناغێدا شیانێن هەرێما کوردستانێ دبەرهەمئینانێدا زێدە بووینە و بیرێن پترۆلێ دەردئێخیت ل پیشابیر و جزیرێ  و بهایێ ڤرۆتنا پترۆلێ دبازارێ جیهانیدا زێدەبوویە و ئەڤە دپەرژەوەندیا حکومەتا هەرێما کوردستانێدایە، بەلێ حکومەتا هەرێما کوردستانێ گەلەکا دەیندارە و گرێبەستنێن حکومەتا هەرێمێ دگەل کومپانیێن نەفتێ یا هەڤپشکیێ یە ژبەر هندێ حکومەتا هەرێمێ یا نەجارە قەرەبوویا وان کومپانیا بکەتن و ئەڤە دبیتە ئەگەرێ پاشکەوتکرنا مووچەیێ فەرمانبەران".

 

کاوەیى دیارکر:" لڤێ قۆناغێ حکومەتا هەرێما کوردستانێ یا بەلانسکەکێ رادگریت دناڤبەرا دانا مووچەیێ فەرمانبەرا و دانا دەینێن لسەر حکومەتێ، دیسان لوێ باوەریێ مە ئەگەر بهایێ پترۆلێ بڤى ئاوایى بیت و پشتى سەپاندنا سزایێن ئابۆرى لسەر ئیرانێ دێ رێژەیا پترۆلێ بلندتر لێهێت و دێ حکومەتا عیراقێ نەجار بیت پترۆلا کەرکوکێ برێکا بوریێن پترولێ یێن هەرێما کوردستانێ رەوانەیى تورکیا و بازارێن جیهانێ بکەت و ئەڤە دپەرژەوەندیا هەرێمێ دایە، کۆ دێ رەوشا ئابۆریا وێ بەرەڤ باشتر جیت و پاشکەوتکرنا مووچەیان ژى نامینیت و دەینێن حکومەتێ ژى دێ ئینەدان".

 

هەلز عەلى سەلیم