پێنچ رێڤەبەرێن گشتى ل پارێزگەها دهۆکێ هاتنە گهورین

 

دهۆک-KDP.info- د رێ و رەسمەکیدا پێنچ رێڤەبەرێن گشتى ل پارێزگەها دهۆکێ هاتنە گهورین. گهورین ددام و دەزگەهێن حکومەتا هەرێما کوردستانێ کارەکێ پێدڤییە و پتر خزمەتکرنا وەلاتیان و نویکرنا کارێ وان ل رێڤەبەرى و دەزگەهان بهێتەکرن. 

مێلح عبدالقادر، رێڤەبەرێ راگەهاندنێ ل پارێزگەها دهۆکێ بۆ مالپەرێ فەرمیێ پارتى دیموکراتى کوردستان گۆت:" ژبەر گهوڕینا پێدڤى ددام و دەزگەهێن حکومیدا، درێ و رەسمەکیدا پێنچ رێڤەبەرێن گشتى ل پارێزگەها دهۆکێ هاتنە گهورین، ئەو ژى هەر ئێک ژ رێڤەبەرێ رێڤەبەریا گشتى یاباژێرڤانیا دهۆک و رێڤەبەریا وەبەرئێنان و رێڤەبەریا گشتى یاشەهید و ئەنفالکریان و رێڤەبەریا گشتى یاچاڤدێریا گشتى و رێڤەبریا گشتى یاپەروەردا دهۆکێ".

رێڤەبەرێن پارێزگەها دهۆکێ دبەردەوامن دکارێ خودا و هندەک رێڤەبەر تا ماوەیەکى یە نەهاتینە گهورین، ژبەر گرنگیا گهورینێ بەهزاد عەلى ئادەم، جێگرێ پارێزگەرێ دهۆکێ دپەیڤەکێدا گۆت:" گهورین ددام و دەزگەهێن حکومەتا هەرێما کوردستانێ کارەکێ پێدڤییە و پتر خزمەتکرنا وەلاتیان و نویکرنا کارێ وان ل رێڤەبەرى و دەزگەهان بهێتەکرن".

بەهزاد عەلى ئادەم خویاکر:" ل هندەک رێڤەبەرێن ئەڤرۆ گهورین تێدا هاتیەکرن پترى 8 سالانە نەهاتینە گهورین، ژبەر ڤێ ئێکێ حکومەتا هەرێما کوردستانێ ب فەر زانى ڤان گهورینا بکەت".

هەر ئێک ژ رێڤەبەرێن نوو و یێن هاتینە گهورین سۆپاسیا هەڤدوو کر و داخوازا سەرکەفتنێ بۆ کارێن نوو دخزمەتا وەلاتیاندا کرن.

 

هەلز عەلى سەلیم