ورده‌كاریی ته‌قینه‌وه‌كه‌ی خورماتوو
خورماتوو-KDP.info- خۆكوژێك به ئۆتۆمبێلێكی كیا ته‌قینه‌وه‌كه‌ی خورماتووی کردووە.
محەمەد فایەق بەڕێوەبەری ڕاگەیاندنی قایمقامەتی خورماتوو، بە ماڵپەڕی پارتی دیموكراتی كوردستانی ڕاگەیاند: "کابرای خۆکوژ سەعات 4:30 خولەكی ئەم دەمەوئێوارەیە بازگە پۆلیسەکەی گەڕەكی 'ئاقسۆ'ی لە نزیك ئامادەییە پیشەسازییە خورماتوودا کردبوویە ئامانج."
محەمەد فایەق گوتیشی، بە پێی زانیاری تەقینەوەكە خۆکوژی بووە و کابرا سەیارەیەکی 'كیا سیڤیا'ـی ژمارە 64214، مەنەفێست ئەنبار"ی پێ بووە؛ لەو تەقینەوەدا چوار پۆلیس و هاووڵاتی كوژراون و 11 كەسی دیكەش بریندار بوونە؛ هەندێ لە بریندارەكان، برینەكەیان سەختە.
ڕوونیشی كردەوە، تەقینەوەكەوە زیانی زۆریشی لێ كەوتووەتەوە.
سیروان جاف
