شنگال بە تەواوی ڕزگار كرا و تیرۆریستان بە خۆتەقاندنەوەیش ڕانەگەییشتن
شنگال-KDP.info- فەرماندەیەكی هێزی پێشمەرگە دەڵێ، ئەم بەیانییە چووینە ناو شنگال و بە تەواوی رزگارمان كرد، تیرۆریستان تەنانەت كاتی ئەوەیشیان نەبوو ئۆتۆمبێل و خۆكوژەكانیان بتەقێننەوە و هەڵاتن".
(سەربەست لەزگین) فەرماندەی هێزی پێشمەرگە، بە ماڵپەڕی فەرمیی پارتیی دیموكراتی كوردستانی ڕاگەیاند: "سەرلەبەیانیی ئەمڕۆ هێزی پێشمەرگە درێژەی بە پێشڕەوییەكانی دا و لە هەموو لایەكەوە چووینە ناو سەنتەری شنگالەوە، شنگالیش بە تەواوی ئازاد كرا و هیچ تیرۆریستێكی تێدا نەماوە".
ئەو فەرماندەیەی هێزی پێشمەرگە راشیگەیاند: "هەر لە دوێنێ شەوەوە تیرۆریستان رایان كرد و تەنیا ئەوانە لەناو شنگال مابوونەوە كە هەوڵی خۆتەقاندنەوە و ئۆتۆمبێلی بۆمبڕێژكراویان دەدا، بەڵام هەموویان كوژران، هەروەها كۆمەڵێك ئۆتۆمبێلی بۆمبڕێژكراوی ئامادەمان دەست بەسەردا گرتووە و تیرۆریستان لە ترسان هەڵاتوون و نەیانتوانیوە بەكاریان بهێنن و بیانتەقێننەوە".
سەرباز واحد
