ئۆپه‌راسیۆنی رزگاركردنی شنگال به‌رده‌وامه‌

 

شنگال-KDP.info- ئۆپه‌راسیۆنی رزگاركردنی شنگال به‌رده‌وامه‌، ئه‌مڕۆ به‌یانی 12 چه‌كداری داعش له‌ رۆژهه‌ڵاتی شنگال كوژران و به‌ ده‌یانی دیكه‌یش بریندار بوونه‌ و پێشوه‌چوونی هێزی پێشمه‌رگه‌یش به‌رده‌وامه‌.

 

عه‌مید ( عزه‌دین سه‌یدۆ) فه‌رمانده‌ی پێشمه‌رگه‌ له‌ شنگال، بۆ ماڵپه‌ڕی فه‌رمیی پارتیی دیموكراتی كوردستان گوتی: "شه‌ڕ و پێكدادان له‌ نێوان هێزی پێشمه‌رگه‌ و چه‌كدارانی داعش به‌رده‌وامه‌، به‌ڵام له‌به‌ر  به‌هێزی پێشمه‌رگه‌ چه‌كدارانی داعش خۆیان ڕاناگرن و به‌رده‌وام ڕاده‌كه‌ن، ئه‌مڕۆ به‌یانی له‌ رۆژهه‌ڵاتی شنگال به‌هۆی به‌ره‌و پێشچوونی هێزی پێشمه‌رگه‌ 12 چه‌كداری داعش كوژران و به‌ ده‌یانی دیكه‌یش بریندار بوون.

(سه‌یدۆ) گوتیشی: "له‌ هه‌ر سێ لای باكور و رۆژهه‌ڵات و رۆژئاوای شنگال  هێزه‌كانی پێشمه‌رگه‌ به‌رده‌وام به‌ره‌و پێشه‌وه‌ ده‌چن و له‌ ماوه‌یه‌كی نزیكدا شنگال له‌ ده‌ستی تیرۆستان رزگار ده‌كرێت.

 

ڕابین شێروانی