وەزیری دارایی و بەرپرسی دادگای شەرعیی داعش كوژران
مووسڵ-KDP.info- بەرپرسی لقی چواردەی پارتیی دیموكراتی كوردستان لە مووسڵ ڕایگەیاند، ئەمڕۆ لە پارێزگای مووسڵ هەریەكە لە وەزیری دارایی و بەرپرسی دادگای شەرعیی داعش لە مووسڵ كوژران.
بەرپرسی لقی چواردەی پارتیی دیموكراتی كوردستان لەمووسڵ (عیسمەت رەجەب)، بە ماڵپەری فەرمیی پارتیی دیموكراتی كوردستانی راگەیاند: "ئەمڕۆ فڕۆكە جەنگییەكانی هاوپەیمانان لە نزیك مووسڵ مۆڵگەكانی داعشیان بۆردوومان كرد و، بەو هۆیەوە وەزیری دارایی و شەش لە پاسەوانەكانی كوژران.
(عیسمەت رەجەب) گوتیشی، هەر ئەمڕۆ چەند چەكدارێكی نەناسراو لە گەڕەكی فەیسەڵییە لەلای چەپی مووسڵ، تەقەیان لە بەرپرسی دادگای شەرعیی داعش كرد و دەستبەجێ كوژرا.
بڵند ئیبراهیم
