کارگە چەکوچۆڵە هەرە گەورەکەی داعش ته‌قێنرایه‌وه
مووسڵ-KDP.info-فڕۆکە جەنگییەکانی ھاوپەیمانان لە مووسڵ کارگە چەکوچۆڵە هەرە گەورەکەی داعشیان لە مووسڵ کوتا و، کاولیان کرد.
(سەعید مەموزینی) بەرپرسی ڕاگەیاندنی لقی چواردەی پارتیی دیموکراتی کوردستان لە مووسڵ بە ماڵپەڕی فەرمیی پارتیی دیموکراتی کوردستانی گوت: "ئەمڕۆ فڕۆکە جەنگییەکانی ھاوپەیمانان کارگە هەرە گەورەکەی چەکۆڵی داعشیان لە گەڕەکی کەرامەی شاری موسڵدا بۆردوومان کرد و، ساختمانەکەیان بە ١٢ ئۆتۆمبێلی بۆمبڕێژکراو و حەفت خۆکوژی ئامادەوە کردە پڕووز."
(سەعید مەموزینی) گوتیشی، تیرۆریستانی داعش بۆ ئەم مانگە ٥٠% ئازوقەی خەڵکیان بڕیوە و بڕیاریان داوە مانگی داھاتوو بە تەواوەتی بیبڕن، بەم ھۆیەوە خۆراک و خواردەمەنی زۆر گران بووە.
بڵند ئیبراھیم
