گروپه تیرۆریستییه‌كه‌ی مامۆستا ده‌ستگیركران
دیاله-KDP.info-لە پارێزگای دیالە لە لایەن هێزە ئەمنیەكانەوە گروپێكی تیرۆریستی سەر بە داعش دەستگیركران كە كاریان دانانەوەی بۆمبی چێندراو بووە و بە وتەی سەرچاوەیەكیش گروپەكە مامۆستایەكی زانكۆ سەرپەرشتیان دەكات.
(سادق حوسێنی) سەرۆكی لیژنەی ئەمنی لە ئەنجوومەنی پارێزگای دیالە بە دەزگاكانی ڕاگەیاندنی ڕاگەیاند: "دوێشەو هێزە ئەمنییەكان گورجوگۆڵ چوونەتە گەڕەکی حەدیدی شاری باقووبە، ناوەندی پارێزگای دیالە و، تاقمە تیرۆریستێکی ٥کەسییان دەستگیر كردووە کە مامۆستایەكی زانكۆ سه‌ر‌په‌رشتیانی ده‌كردن و گروپێكی تیرۆریستی ئه‌و مامۆستایه‌بوون وه‌ك شانه‌یه‌كی نوستوو دروستی كردبوون!"
(سادق حوسێنی) گوتیشی، ئەو گروپەی سەر بە ڕێكخراوی داعش، بە تایبەت بۆمبیان دەچاند؛ لە كاتی دەستگیركردنیشدا ترۆمبیلێك و کۆمەڵە بۆمبێکیشیان پێ بووە."
كاروان جاف
