تا سێشه‌مه چەند شوێنێکی دیکەیش مووچه وه‌رده‌گرن
هه‌ولێر -KDP.info- وەزارەتی دارایی حکوومەتی ھەرێمی کوردستان ئاشکرای کرد، تا ڕۆژی سێشەممە مووچەی وەزارەتی داد و شەھیدان و کەسوکاری شەھیدان و ئەنفالکراوەکان و زیندانیانی سیاسی دابەش دەکرێت.
بەپێی ڕاگەیێنراوێکی وەزارەتی دارایی حکوومەتی ھەرێمی کوردستان کە کۆپیەکی بۆ ماڵپەڕی فەرمیی پارتیی دیموکراتی کوردستان نێردراوە و تێدا ھاتووە، سبەینێ یەکشەممە ٢٨/٦/٢٠١٥ مووچەی مانگی ٤/٢٠١٥ وەزارەتی داد دابەش دەکرێت.
بەپێی ڕاگەیێنراوەکە، دووشەممه ٢٩/٦/٢٠١٥ مووچەی مانگی ٤/٢٠١٥ کەسوکاری شەھیدان و ئەنفالکراوان و زیندانیانی سیاسی دابەش دەکرێت.
ئەوەش خراوەتە ڕوو، سێشەممە ٣٠/٦/٢٠١٥ مووچەی مانگی ٤/٢٠١٥ فەرمانبەرانی وەزارەتی شەھیدان دابەش دەکرێت.
بڵند ئیبراھیم
