گرووپێكی تیرۆریستان له ناو بران
رۆژئاوای دیجلە-KDP.info- بەرپرسی ڕاگەیاندنی فەرماندەیی پێشمەرگەی زێرەڤانی ڕایگەیاند، گرووپێكی تیرۆریستان له لایه‌ن هێزه‌كانی فه‌رمانده‌یی پێشمه‌رگه‌ی زێره‌ڤانی و فڕۆكه جه‌نگییه‌كانی هاوپیمانانەوە، كرانه ئامانج و له ناو بران.
بەرپرسی ڕاگەیاندنی فەرماندەیی پێشمەرگەی زێرەڤانی عەقید (دڵشاد مەولوود) بە ماڵپەڕی فەرمیی پارتیی دیموكراتی كوردستانی ڕاگەیاند: "سه‌عات 2:55 خوله‌كی ەبرەبەیانی ئەمڕۆ چوارشەممە، گرووپێكی تیرۆریستی داعش له گوندی ته‌شتێ به‌رامبه‌ر دووڕێیانی كه‌سكێی میحوه‌ری رۆژئاوای دیجله، له لایه‌ن هێزه‌كانی فه‌رمانده‌ییی پێشمه‌رگه‌ی زێره‌ڤانی به چه‌كی قورس و به هه‌ماهه‌نگیی فڕۆكه جه‌نگییه‌كانی هاوپه‌یمانان، بۆردوومان كران و سه‌رجه‌می تیرۆریسته‌كان كوژراون.
