حكوومەت لە سەرجەم قەرزەكانی شەهیدان خۆش بوو
هەولێر-KDP.info- وەزارەتی دارایی، لە رێنماییەكی نوێدا كە لە ماڵپەری فەرمیی خۆی بڵاوی كردووەتەوە، ڕایگەیاندووە كە حكوومەت لە سەرجەم قەرزی پێشینەكانی شەهیدانی شەڕی دژی داعش خۆش بووە.
لە رێنماییەكەدا هاتووە، "ئاماژە بە هەردوو فەرمانی سەرۆكایەتیی ئەنجوومەنی وەزیران ژمارە ٤١٣١ و ٧٦٣٦ كە لە ٧/٣و٢٧/١١/٢٠١٤ دەرچوون، خاڵی یەكەمی رێنماییمان ژمارە یەكی ٣ـی ساڵی ٢٠١٥ـتان رادەگەیەنین كەوا سەرجەم ئەو پێشینانەی لە ئەستۆی شەهیدانی سەنگەری بەرەكانی دژ بە جەنگی تیرۆردان (پێشمەرگە و هێزەكانی ئاسایشی ناوخۆ و هاووڵاتیانی خۆبەخش و فەرمانبەرانی راژەی شارستانی) و قەرزی حكوومی وەكو پێشنەكانی هاوسەرگیری و خانووبەرە و و سندووقی نیشتەجێبوونیان لە ئەستۆیە، لەسەر بودجەی وەزارەتامان پاكتاو دەكرێن".
بڵند ئیبراهیم
