لیژنەی دارایی لەبارەی دۆلار کۆ دەبێتەوە

بەغدا-KDP.info-ئه‌ندامێكی كورد له لیژنه‌ی دارایی‌ ئه‌نجوومه‌نی نوێنه‌رانی عێراق ڕایده‌گه‌یێنێت سه‌ره‌تای حەفتی دابێتەوە ده‌گەڕێنه‌وه‌ به‌غدا و كۆبوونه‌وه‌یه‌كی به ‌په‌له‌ بۆ پرسی به‌رزبوونه‌وه‌ی نرخی دۆلار ساز ده‌كه‌ن.

(سه‌رحان ئه‌حمه‌د سلێڤانه‌یی) ئه‌ندامی كورد له‌ لیژنه‌ی دارایی ئه‌نجوومه‌نی نوێنه‌رانی عێراق به‌‌ ماڵپه‌ڕی فه‌رمیی پارتیی دیموكراتی كوردستانی ڕاگه‌یاند: "ئاگادار كراوینەتەوە له‌ لایه‌ن لیژنه‌ی دارایی كه‌ گشت ئه‌ندامانی لیژنه‌ به‌ پەله‌ ڕۆژی یه‌كشه‌ممه‌ كاتژمێر 12 له‌ په‌رله‌مان ئاماده ‌بین بۆ كۆبوونه‌وه‌ له‌سه‌ر پرسی به‌رزبوونه‌وه‌ی نرخی دۆلار بۆیه‌ حەفتەی دابێتەوە ده‌چینه‌ په‌رله‌مان بۆ ئه‌و كۆبونه‌وه‌یه‌.
(سلێڤانه‌یی) ڕاشیگه‌یاند: "ئه‌و كۆبونه‌وه‌یه‌ تایبه‌ت ده‌بێت به‌ چۆنیه‌تی چاره‌كردن و، بڕیاردان له‌ چۆنیه‌تیی‌ كه‌مكردنه‌وه‌ی به‌های دۆلار له ‌به‌رامبه‌ر دینار.
نه‌شوان به‌رزنجی