كێشەی بەنزین لە سۆران چارە كرا
سۆران-KDP.info- لە سۆران بۆ ماوەی دوو رۆژە كێشەی بەنزین سەری هەڵداوە و شوفێران بۆ دەستكەوتنی بڕێك بەنزین بۆ ماوەیەكی زۆر لە نۆرە دەمێننەوە، قایمقامی سۆرانیش دەڵێت، كێشەكە ئەمڕۆ كۆتایی پێ هاتووە و دابەشكردنی بەنزین لە بەنزینخانەكان ئاسایی بووەتەوە.
(كرمانج عێززەت) قایمقامی سۆران، بۆ ماڵپەڕی فەرمیی پارتیی دیموكراتی كوردستان گوتی: "بە هۆی هەڵبژاردن لە توركیادا سنوورەكان داخرابوون، بۆیە كێشەی بەنزین سەری هەڵدابوو، بەڵام ئەمڕۆ ئەو كێشەیە نەماوە و لە بەنزینخانەكان بەنزین هەیە و شوفێران زۆر بە ئاسانی بەنزینیان دەست دەكەوێت".
رابین شێروانی
