یەکشەممە، چوار وەزارەت مووچە وەردەگرن
هەولێر-KDP.info- وەزارەتی دارایی و ئابووریی حکوومەتی هەرێمی کوردستان خشتەی دابەشکردنی مووچەی چەند وەزارەتێکی دیکەی راگەیاند.
بەپێی راگەیەندراوەکەی وەزارەتی دارایی و ئابووریی حکوومەتی هەرێمی کوردستان یەکشەممەی دادێ ٢٤ـی ٥ چەند وەزارەتێک مووچەی مانگی ئادار وەردەگرن.
وەزارەتەکانیش کە رۆژی یەکشەممە مووچەکانیان وەردەگرن ئەمانەن: کشتوکاڵ و سەرچاوەکانی ئاو، شارەوانی و گەشتوگوزار، ئەوقاف و کاروباری ئایین و وەزارەتی خوێندنی باڵا و توێژینەوەی زانستی.
