سبەینێ و دووسبەی مووچەی ئەو وەزارەتانە دابەش دەكرێت

هەولێر-KDP.info- بەڕێوەبەرایەتیی ڕاگەیاندن و پەیوەندییەكانی وەزارەتی دارایی ڕایگەیاند، سبە و دووسبەی مووچەی چەند وەزارەت و دەستگایەك دابەش دەكرێت.
                
بەڕێوەبەرایەتیی ڕاگەیاندن و پەیوەندییەكانی وەزارەتی دارایی و ئابووریی حكوومەتی هەرێمی كوردستان، لە ڕاگەیەندراوێكدا كە وێنەیەكی بۆ ماڵپەری فەرمیی پارتیی دیموكراتی كوردستان ناردووە، ڕایگەیاندووە كە سبەی چوارشەممە 20/5/2015 مووچەی وەزارەتی شەهیدان لەگەڵ خانەوادەی شەهیدان و ئەنفالكراوان و زیندانیانی سیاسی دابەش دەكرێت.
هاوكات ئاماژەیشی داوە، ڕۆژی پێنجشەممە 21/5/2015، وەزارەتی كار و كاروباری كۆمەڵایەتی، خانەنشینانی پێشمەرگە و ئەیلوول مووچە وەردەگرن.
ئومێد بابان