43 ئێزدیی دیكە ڕزگار كران
شنگال-KDP.info- بەرپرسی لقی17-ی پارتی لە شنگال دەڵێت، چەند كوردێكی دیكەی ئێزدی لە ژێر دەستی داعش ڕزگار كران و ئەمڕۆیش دەگەڕێنەوە ناو كەسوكاریان.
بەرپرسی لقی 17-ی پارتیی دیموكراتی كوردستان لە شنگال (وەحید باكۆزی) بە ماڵپەری فەرمیی پارتیی دیموكراتی كوردستان رایگەیاند: "هەوڵەكان بۆ ئازادكردنی ئەو خێزانە ئێزدیانە بەردەوامن كە لە ژێردەستی داعشدان، ئەمڕۆیش 43 ئێزدی گەییشتوونەتە لای هێزی پێشمەرگەی كوردستان و دواتریش دەچنەوە لای خانەوادەكانیان".
(باكۆزی) گوتیشی: "هەوڵی جیددی بۆ ئازادكردنی برا ئێزدییەكان دەدرێت و، لەو پێناوەیشدا چی پێویست بێت دەیكەین".
حەكیم حیكمەت
