پەیامی ھاوخەمیی سەرۆک بارزانی بۆ خانەوادەی قوربانیانی لافاوەکەی ھەولێر
ھەولێر-KDP.info- ئەمڕۆ یەکشەممە ٨ی تشرینی دووەمی ٢٠٢٦، سەرۆک مەسعود بارزانی لە پەیامێکدا سەرەخۆشی و ھاوخەمیی خۆی ئاراستەی خانەوادەی ھەردوو قوربانیی لافاوەکەی دوێنێی شاری ھەولێر کرد و ھیوای سەبر و دڵنەوایی بۆ کەسوکاریان خواست.
دەقی پەیامی ھاوخەمیی سەرۆک بارزانی بۆ خانەوادەی قوربانیانی لافاوەکەی ھەولێر.
بەناوی خودای مەزن و دلۆڤان
پرسە و سەرەخۆشیی خۆم ئاراستەی خانەوادە و کەسوکار و ئازیزانی ھەردوو ھاووڵاتی (محەمەد ڕەسوڵ حەمەدئەمین) و (مستەفا سەرکەوت خدر)ـی تەمەن پێنج ساڵ دەکەم کە بە داخێکی زۆرەوە لە ئەنجامی بارانبارینی زۆر و لافاوی دوێنێی شاری ھەولێر بوونە قوربانی و گیانیان لەدەست دا.
ھاوبەشی خەمی ھەر دوو خانەوادەی قوربانیانی ئەو ڕووداوە دڵتەزێنەم و لە خودای گەورە داواکارم سەبر و دڵنەواییان پێ ببەخشێت و ڕۆحی پاکی قوربانیانیش بە بەھەشتی بەرین شاد بکات.
انا للە و انا الیە راجعون
مسعود بارزانی
٨ی تشرینی دووەمی ٢٠٢٦