سەباح بێتوڵا: شەهید ئیدریس بارزانی ئەندازیارێ تەباییێ و سیمبوولێ ئاشتیێ بوو
زاخۆ-KDP.info- د چارچۆڤێ چالاکییێن تایبەت ب بیرئانینا ٣٩ سالیا وەغەرکرنا شەهیدێ نەمر (ئیدریس بارزانی) دا، لقێ ٨ێ پارتی ل زاخۆ سمینارەکا جەماوەری بۆ سەباح بێتوڵا، ئەندامێ سەرکردایەتی و جێگرێ بەرپرسێ مەکتەبا رێکخستنا پارتی ل پارێزگەها دهۆکێ سازکر.
د سمینارێ دا، کو ب ئامادەبوونا بەرێز (عومەر ئۆرەیی) بەرپرسێ لقێ ٨ و هەژمارەکا زێدە یا پێشمەرگەیێن دێرین و کادر و کەسایەتیێن دەڤەرێ هاتبوو سازکرن، سەباح بێتوڵا ب درێژی بەحسێ ژیان و خەباتا پڕ سەروەری یا شەهید ئیدریس بارزانی کر و راگەهاند: "شەهیدێ نەمر نەک بتنێ تێکۆشەرەکێ مەزن بوو، بەلکو ئەو ئەندازیارێ ئاشتی و تەباییێ بوو، یێ کو شیای ب هزر و بۆچوونێن خۆ یێن نەتەوەیی ناڤمالیا کوردی رێکبێخیت و بەرەڤ قۆناغەکا نوی یا خەباتێ ببەت."
هەروەسا د پشکەکا دی یا سمینارێ دا، تیشک هاتە ئێخستنە سەر وێ چەندێ کو رێبازا بارزانی و هزرا شەهید ئیدریس بارزانی دێ هەر دەم وەک چراکێ روون مینن بۆ کادر و لایەنگرێن پارتی، دا کو ب گیانەکێ نیشتیمانپەروەرانە بەردەوامیێ بدەنە خزمەتکرنا کوردستانێ و پاراستنا دەستکەفتان.
جێیێ ئاماژێ یە ئەڤ سمینارە ژ لایێ بەشێ پێگەهاندن و رەوشەنبیری و راگەهاندنا لقێ ٨ێ پارتی ڤە هاتبوو رێکخستن، وەک وەفاداریەک بۆ خەباتا وی سەرکردەیێ مەزن.
