مەسروور بارزانی سەرەخۆشی لە ئانۆ جەوهەر دەكات
ھەولێر-KDP.info- ئەمڕۆ یەکشەممە، 21ـی کانوونی یەکەمی 2025، مەسرور بارزانی، سەرۆکی حکوومەتی هەرێمی کوردستان، پرسە و سەرەخۆشی لە ئانۆ جەوهەر عەبدۆکا، وەزیری گواستنەوە و گەیاندن کرد بۆ کۆچی دوایی مامی، هونەرمەندی ناسراوی کوردستان، زوهێر عەبدولمەسیح.
ڕۆژی یەکشەممە 21ـی کانووی یەکەمی 2025، مەسروور بارزانی، سەرۆکی حکوومەتی هەرێمی کوردستان لە پرسەنامەیەکدا کە ئاراستەی وەزیری گواستنەوە و گەیاندنی کردووە جەختی کردووەتەوە "زوهێر عەبدولمەسیح، ئەکتەر و دەرهێنەرێکی نیشتمانپەروەری دیاری کوردستان بوو کە خزمەتێکی زۆری سینەما و دراما و شانۆی کوردی کردووە" .
دەقی پرسەنامەی مەسروور بارزانی، سەرۆکی حکوومەتی هەرێمی کوردستان
بەڕێز ئانۆ جەوهەر عەبدۆکا ، وەزیری گواستنەوە و گەیاندن
بۆ کۆچی دوایی مامی بەڕێزتان ، هونەرمەندی ناسراوی کوردستان، زوهێر عەبدولمەسیح پرسە و سەرەخۆشیتان لێ دەکەم و هاوبەشی خەمتانم.
زوهێر عەبدولمەسیح ئەکتەر و دەرهێنەرێکی نیشتمانپەروەری دیاری کوردستان بوو کە خزمەتێکی زۆری سینەما و دراما و شانۆی کوردی کردووە.
خودای مەزن گیانی بە بەهەشت شاد بکات و ئارامی و دڵنەواییش بە ئێوە ببەخشێت.
مەسروور بارزانی
سەرۆکی حکوومەتی هەرێمی کوردستان
2025/12/21
