كۆنسوڵی ڕووسیای فیدراڵ پیرۆزبایی لە سەرۆک بارزانی و سەرکردایەتی پارتی دەکات
هەولێر-KDP.info- مه‌كسیم ڕووبین، كۆنسوڵی گشتی ڕووسیای فیدراڵ له هه‌ولێر، بەبۆنەی ساڵیادی دامەزراندنی پارتی دیموکراتی کوردستانەوە، پەیامێکی پیرۆزبایی ئاراستەی سەرۆک بارزانی و سه‌ركردایه‌تی و هه‌موو ئه‌ندامان كرد.
دەقی پەیامەکەیەی كۆنسوڵی گشتی ڕووسیای فیدراڵ له هه‌ولێر:
بۆ: بەڕێز مەسعود بارزانی، سەرۆکی پارتی دیموکراتی کوردستان
كۆنسوڵگه‌ری گشتی ڕووسیای فیدراڵ له هه‌ولێر به‌وپه‌ڕی ڕێز و خۆشحاڵییه‌وه به بۆنه‌ی یادی دامه‌زراندنی پارتی دیموكراتی كوردستان، پیرۆزبایی گه‌رم ئاراسته‌ی سه‌ركردایه‌تی و هه‌موو ئه‌ندامانی ده‌كات.
پارتی دیموكراتی كوردستان له درێژایی مێژوودا ڕێگه‌یه‌كی پڕ له كه‌ندوكۆسپی بڕیوه له پێناو به‌ده‌ست هێنانی مافی گه‌لی كورد و به‌رقه‌راربوونی ئاشتی و سه‌قامگیری له هه‌رێمی كوردستان - عێراق.
له‌م یاده پڕشكۆیه‌دا كۆنسوڵگه‌ری گشتی ڕووسیای فیدراڵ به ڕێز و پێزانینه‌وه ڕۆڵی مێژوویی پارتی دیموكراتی كوردستان له ژیانی سیاسی هه‌رێمی كوردستان و عێراقدا ده‌ڕوانێت و كار و هه‌وڵه‌كانی له پێناوته‌بایی و یه‌كڕیزی و پێكه‌وه‌یی له‌نێو ته‌واوی پێكهاته ئایینی و نه‌ته‌وه‌ییه‌كانی عێراق و هه‌رێمی كوردستاندا به‌رز ده‌نرخێنێت.
له سایه‌ی كار و چالاكی پارتی دیموكراتی كوردستان په‌یوه‌ندییه دووقۆڵییه‌كانی نێوان ڕووسیای فیدراڵ و هه‌رێمی كوردستان - عێراق په‌ره‌سه‌ندنێكی به‌رچاویان به‌خۆوه بینیوه و به دڵنیاییه‌وه له داهاتووشدا ئه‌م په‌یوه‌ندییانه به‌هێزتر و پته‌وتر ده‌بن.
مه‌كسیم ڕووبین
كۆنسوڵی گشتی ڕووسیای فیدراڵ له هه‌ولێر
