" ئەم خۆ ب خودێ و حکومەتا خۆ ب هێز دئێخین"
دھۆک-KDP. info - دگەل رەوشا دارایێ یا عیراقێ بۆ هەرێمێ دروست کری، خەلکێ دهۆکێ ب حکومەتا خۆ ب ئومێدن ل سەر کورسییەکا داری یا بچویک ل سەر لێڤا چایخانەیەکا کەڤن، پێیەک خۆ ل سەر پێیێ دی هاڤێتییە و دویکێلا جگارا وی بەرەف ئاسمانانە، هەر وەکو ئەو دگەل بەردانا هەر پێلەک دویکێلێ، خەم و ئازارێن خۆ بۆ ڤێ دونیایێ شلوڤەدکەت،
حەجی ئەحمەد تەمەن ٦٥ ساڵە، ئەو خانەنشینێ کەرتێ پەروەردێ یە و مامۆستایەکێ کەڤنێ دهۆکێ یە، ب رێیا مالپەرێ پارتی دیموکراتی کوردستان دبێژیت “پشتی ڤی تەمەنێ هندە درێژ و خزمەتا خۆ یا زور، مایمە بێ پارە، دەهان ئومێد من ب پارێ خۆ یێ خانەنشینیێ هەبوون، ژوان ژی کورێ خۆ یێ بچویک بەری باربکەم ببینم زاڤا، لێ ب هێڤییا حکومەتا عیراقێ، تەمەنێ مە دچیت ل هیڤییا هێڤییا مامو”
شەش مەهن و بەرەف مەها حەفتێ ڤە دچیت، مامەلێن خانەنشینییا فەرمانبەرێن هەرێما کوردستانێ ب دویماهیک هاتینە، و ئەوان هەتا نوکە مافێن خۆ وەرنەگرتینە، ژپێخەمەت هنارتنا پارێ وان ژلایێ حکومەتا عیراقێ ڤە،
دەم ل دەست و هێشتا ئاریشەیا خانەنشینان هەلاویستی، ئاریشەیا فەرمانبەرێن هەرێما کوردستانێ ب گشتی دهێتە دی، ل دەمێ هنارتنا لیستا مووچێ ٥ یێن فەرمانبەرێن هەرێما کوردستانێ بۆ وەزارەتا دارایێ یا عیراقێ ژبۆ هنارتنا مووچەیان ل دویف ماف و ئیمتیازێن هەرێما کوردستانێ، تەیف سامی وەزیرا دارایی یا عیراقێ ب بریارەکا نەخوازراو و ژنشکەکێ ڤە، بریارا راگرتنا مووچێ فەرمانبەرێن هەرێما کوردستانێ ددەت، و ب ئێک جاری کارتێکرن ل رەوشا دارایی یا هەرێما کوردستانێ دبیت، لێ خەلک دبێژن ئەم هێزا خۆ ژحکومەتا خۆ وەردگرین و پێکڤە دێ شێین بەرگیریێ ژمافێن خۆ بەرامبەر حکومەتا عیراقێ بکەین..
“ئازاد، دوکاندارەکێ بازارێ چەلێ یە(بازارێ گشتی یێ دهۆکێ)، بۆ ک.د.پ دبێژیت: پتری ٢٠ ساڵانە مە ئەڤ دوکانە ل ڤی بازاری هەیی، کێم جاران من بازارێ دهۆکێ ب ڤی رەنگی دیتییە، راستی ژی رەوش هۆسا درێژبوو، خەلک ژبریارێن عیراقێ بێ زاربوو، ئەم خۆ ب خودێ و حکومەتا خۆ ب هێز دئێخین“
”بابێ لانایێ، هاوڵاتییەکێ دهۆکێ یە و ئەز ژی فەرمانبەرەکێ هەرێما کوردستانێ یە، دبێژیت، حکومەتا عیراقێ جوداهیێ دناڤ بەرا مە و عیراقییان دا دکەت، موچێ وان ل دەسپێکا هەمی هەیڤان پارڤەکرییە و یێ مە ژی ب هەیڤان نادەن، لێ ئەم ناوەستین و دێ دگەل حکومەتا خۆ دەست ب دەست شەری ژبۆ مافێن خۆ کەین، سەرۆکوەزیران مەسرو بارزانی گوت ژیان و مرنا مە پێکڤەیە، دهۆک ژی دبێژیت ئەم ناوەستین دەستێن مە دگەل تەنە“
سەجا شێرزاد-دهۆک
