مەسروور بارزانی پرسەنامەیەک ئاراستەی ئوسامە نوجەیفی و ئەسیل نوجەیفی دەکات
ھەولێر-KDP.info- سەرۆکی حکوومەتی هەرێمی کوردستان بەهۆی کۆچی دوایی باوکیانەوە، پرسەنامەیەک ئاراستەی ئوسامە نوجەیفی و ئەسیل نوجەیفی دەکات.
دەقی پرسەنامەکەی مەسروور بارزانی سەرۆکی حکوومەتی هەرێمی کوردستان.
بەڕێزان: ئوسامە نوجەیفی، ئەمینداری گشتیی حزبی متحدون و سەرۆکی پێشووتری ئەنجوومەنی نوێنەرانی عێراق
ئەسیل نوجەیفی، پارێزگاری پێشووتری نەینەوا.
بۆ کۆچی دوایی باوکی بەڕێزتان خوالێخۆشبوو حاجی عەبدولعەزیز نوجەیفی، پرسە و سەرەخۆشیتان لێ دەکەم و هاوبەشی خەمتانم.
خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە بنەماڵە بەڕێزەکەتان ببەخشێت.
مەسرور بارزانی
سەرۆکی حکوومەتی هەرێمی کوردستان
٢٦-٦-٢٠٢٤
