نێچیرڤان بارزانى، ‌سه‌رخۆشى له‌ خانه‌واده‌ى خوالێخۆشبوو سه‌فیر ئه‌حمه‌د خاڵه‌ ده‌كات

ھەولێر-KDP.info-  ئه‌مڕۆ دووشه‌ممه‌ 2024/6/24 به‌ڕێز نیچیرڤان بارزانى، سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا، پرسه‌ و سه‌ره‌خۆشى له‌ خانه‌واده‌ى خوالێخۆشبوو سه‌فیر ئه‌حمه‌د خاڵه‌ كرد و هاوخه‌مى له‌گه‌ڵیاندا ده‌ربڕى.

به‌ڕێزیان هه‌روه‌ها هیواى خواست، خواى مه‌زن گیانى خوالێخۆشبوو به‌ به‌زه‌یى و میهره‌بانیى خۆى شاد بكات و ئارامى و دڵنه‌وایى به‌ هه‌مووان ببه‌خشێت.

لاى خۆیانه‌وه‌ خانه‌واده‌ى خوالێخۆشبوو، سوپاس و پێزانینیان بۆ هاوخه‌مى و هاوبه‌شیى به‌ڕێز سه‌رۆكى هه‌رێمى كوردستان له‌ خه‌م و پرسه‌كه‌یاندا ده‌ربڕى.