نێچیرڤان بارزانی پیرۆزبایی له شێخ جه‌عفه‌ر شێخ مسته‌فا ده‌كات
ئه‌مڕۆ دووشه‌ممه 2023/10/2 به‌ڕێز نێچیرڤان بارزانی، سه‌رۆكی هه‌رێمی كوردستان له په‌یوه‌ندییه‌كی ته‌له‌فۆنیدا له‌گه‌ڵ به‌ڕێز شێخ جه‌عفه‌ر شێخ مسته‌فا، به‌بۆنه‌ی هه‌ڵبرژاردنیه‌وه به لێپرسراوی ئه‌نجومه‌نی به‌رژه‌وه‌ندییه باڵاكانی یه‌كێتیی نیشتمانیی كوردستان، پیرۆزبایی له به‌ڕێزیان كرد و هیوای سه‌ركه‌وتنی له ئه‌ركی تازه‌یدا بۆ خواست.
لای خۆیه‌وه به‌ڕێز شێخ جه‌عفه‌ر شێخ مسته‌فا سوپاسی سه‌رۆك نێچیرڤان بارزانی كرد بۆ په‌یوه‌ندی و پیرۆزبایی و پێزانینی خۆی بۆ به‌شداریی به‌ڕێزیان له ڕێوره‌سمی كردنه‌وه‌ی كۆنگره‌ی پێنجه‌می یه‌كێتیی نیشتمانیی كوردستاندا دووپات كرده‌وه.
