بەرەی تورکمانی: هیوادارین ئەم یادە ببێتە دەرفەتێک بۆ پەرەپێدانی پەیوەندییەکانمان
هەولێر -KDP.info- بەرەی تورکمانی عێراقی بەبۆنەی ٧٧ەمین ساڵیادی دامەزراندنی پارتی دیموکراتی کوردستان، پەیامێکی پیرۆزباییان ئاڕاستەی مەکتەبی سیاسیی کردووە و تێیدا هاتووە، هیوادارین ئەم یادە ببێتە دەرفەتێک بۆ پەرەپێدانی پەیوەندییەکانمان، لەم بۆنەیەدا جارێکی تر جەخت لەسەر پتەوکردن و بەرەوپێشەوە بردنی پەیوەندی دۆستانەی نێوانمان دەکەینەوە.
بەڕێزان: ئەندامانی مەکتەبی سیاسی
پارتی دیموکراتی کوردستان
بابەت/ پەیامی پیرۆزبایی
بەبۆنەی ٧٧ەمین ساڵیادی دامەزراندنی پارتی دیموکراتی کوردستان، پیرۆزباییەکی گەرم لە ئێوەی بەڕێز و سەرجەم ئەندامان و لایەنگرانی حزبە تێکۆشەرەکەتان دەکەین، هیوادارین ئەم یادە ببێتە دەرفەتێک بۆ پەرەپێدانی پەیوەندییەکانمان، لەم بۆنەیەدا جارێکی تر جەخت لەسەر پتەوکردن و بەرەوپێشەوە بردنی پەیوەندی دۆستانەی نێوانمان دەکەینەوە، بە ئامانجی خزمەتکردنی بەرژەوەندییە باڵاکانی گشت هاوڵاتیان و سووربوون لەسەر بەدیهێنانی یەکڕیزی و کۆدەنگی لە نێوان سەرجەم هێز و لایەنە سیاسیەکان.
جارێکی تر ساڵیادی دامەزراندنی پارتی دیموکراتی کوردستان پیرۆزبێت و سەرکەوتوو بن.
ئایدن مەعروف
ئەندامی مەکتەبی سیاسی
و لێپرسراوی نووسینگەی پەیوەندییە سیاسیەکانی
بەرەی تورکمانی عێراق
