83 پرۆژێن خزمەتگۆزاری د ئەڤ سالە دا ل دهۆکێ کەفتینە د قووناغا بجهئینانێ دا
دهۆک -KDP.info- سکرتێرێ رۆژنامەڤانی یێ پارێزگارێ دهۆکێ دیار کر کو کاروانێ ئاڤەدانیێ ل پارێزگەها دهۆکێ یێ بەردەوامە و بتنێ د هەیڤا ئێک یا سالا 2023ێ دا 83 پرۆژێن نوی یێن خزمەتگۆزاری د بوارێن جوداجودا دا ل پارێزگەها دهۆکێ کەفتینە د قووناغا بجهئینانێ دا.
مللەت عسمەت، سکرتێرێ رۆژنامەڤانی یێ پارێزگارێ دهۆکێ بۆ ماڵپەرێ فەرمیێ پارتی دیموکراتی کوردستان دیار کر کو د چارچۆڤێ وان پرۆژێن نوی یێن خزمەتگۆزاری دا یێن کو ل سەردەمێ کابینا نەهێ یا حکومەتا هەرێما کوردستانێ ل دەڤەرێن جوداجودا یێن هەرێما کوردستانێ بێ جوداهی دهێنە بجهینان و ڤەکرن، د هەیڤا ئێک یا سالا 2023 دا 83 پرۆژێن نوی یێن خزمەتگۆزاری یێن جوراوجور ل پارێزگەها دهۆکێ کەفتینە د قووناغا بجهئینانێ دا و ئەڤ پرۆژە ل سەر هەمی دەڤەرێن پارێزگەها ناڤهاتی بێ جوداهی هاتینە بەلاڤکرن بۆ وێ چەندێ زوورترین رێژا خەلکی یا ژێ مفاداربیت و گۆت: ژوان پرۆژێن د ڤێ هەیڤێ دا کەفتینە د قووناغا بجهئینانێ دا پرۆژێ دابینكرن و دانان و دانەکاری یا ئامیرێ نۆشداری Anesthesias Machine Patient Monitor X Opweation Table Gynecology بۆ نه‌خۆشخانا دهۆك یا ئافره‌ت و زارۆبوونێ ب گوژمێ 267 ملیۆن دیناران و پرۆژێ دابینكرن و دانان و دانەکاری یا ئامیرێ نۆشداری Gastroscope for Tower Endoscope بۆ نه‌خۆشخانا ئازادی یا فیركرنێ ب گوژمێ 134 ملیۆن و 850 هزار دیناران و پرۆژێ رێیا (کانی توزێ، بێخمێ، ئامادا) ب درێژاهیا ٢١کم ل سنوورێ قەزا ئاکرێ هاتیە ڤەکرن، هەروەسا ب گوژمێ 621 ملیۆن دیناران بەرێ بنیاتی بۆ دوو پرۆژێن خزمەتگۆزاری بۆ کەرتێ کارەبێ ل سەنتەرێ باژێرێ ئاکرێ هاتیەدانان، د هەمان دەم دا ب گوژمێ نێزیکی شەش ملیار دیناران بەرێن بنیاتان بۆ 13 پرۆژێن خزمەتگۆزاری یێن ژێک جودا ل سنوورێ دەڤەرداریا سێمێلێ هاتیە دانان و دوو پرۆژێن رێیان ژی ل قەزا سێمێلێ هاتینە ڤەکرن، زێدەباری ڤێ چەندێ ل سنوورێ دەڤەرداریا ئامێدیێ ژی بەرێ بنیاتى بۆ سەخبێرکرن و قێرکرنا رێیا گوندێن کەڤنە مژێ و رێیا سەرەکى و رێیێن ناڤخۆیى یێن گوندێ سەرگەلێ ب گوژمێ 812 ملیۆن دینارا هاتیەدانان د هەمان دەم دا بەرێ بنیاتی بۆ پرۆژێ چێکرنا رێیێن ناڤخۆیى ل سەنتەرێ ناوچەداریا دێرەلوکێ ب گوژمێ 677 ملیۆن دیناران هاتیەدانان.
ناڤهاتی ئاماژە دا وێ چەندێ کو هەر د چارچۆڤێ وان پرۆژان دا یێن کو د ئەڤ سالە دا ل پارێزگەها دهۆکێ کەفتینە د قووناغا بجهئینانێ دا بەرێ بنیاتی بۆ گەهاندنا کارەبێ بۆ تاخێن جوداجودا و بۆ گوندێ هاریکا ونەخۆشخانێ و فەرمانگەها کارتا نیشتمانى ل سەنتەرێ دێرەلوکێ ب گوژمێ 310 ملیۆن دیناران هاتیەدانان، د هەمان دەم دا بەرێ بنیاتى بۆ پرۆژێ دەرخستنا فیدەرا ژ وێستگەها شێلادزێ 358 ملیۆن دیناران و پرۆژێ چێکرن و قێرکرنا رێیێن ناڤخۆ ل ناوچەداریا شێلادزێ ب گوژمێ 661 ملیۆن دیناران و پرۆژێ دابینکرنا ماتورێن ئاڤێ بۆ پرۆژێ ستراتیژی یێ ئاڤێ ل دێرەلۆکێ و گەهاندنا ئاڤێ بۆ عمبارا ئاڤێ یا 4000م3 و سەخبێرکرن و گەهاندنا ئاڤێ بۆ تاخێن جودا ل شێلادزێ ب گوژمێ 241 ملیۆن دیناران هاتیە دانان، هەروەسا پرۆژێ ئاڤاکرنا قوتابخانەکا 18 رێزى ل کومەلگەها سیریێ ب گوژمێ 807 ملیۆن دیناران و پرۆژێ ئاڤاكرنا قوتابخانه‌كا 18 رێزى ل تاخێ ماڵتا سه‌رى ل نێزیك ئاماده‌یا پێشەسازیا دهۆكێ ب گوژمێ 451 ملیۆن دیناران و پرۆژێ ڤه‌كرن و قێركرنا چه‌ند جاده و كولانان ل جهێن جودا جودا ل سنوورێ باژێرڤانیێن رۆژهه‌لات و رۆژئاڤا ل باژێرێ دهۆكێ ب گوژمێ 13 ملیار و 366 ملیۆن دیناران و پرۆژێ قێركرنا جادا 30م ل تاخێ نزارکا نوو هه‌تا دگه‌هیته په‌یمانگه‌ها نولچ دگه‌ل چێكرنا چه‌ند جاده و كولانان ل تاخێ نزاركێ و ئێتیتى و جهێن دى و پرۆژێ سەخبێریکرن و قێرکرنا رێیێن ناڤخۆیی ل تاخێ مەلاین ل سەنتەرێ باژێری و کەلەکچی و قەسرۆک و چرەی و باعەدرێ و پرۆژێ بەرفرەهکرن و نووژەنکرنا تۆرا کارەبێ ل سەنتەرێ دەڤەرداری و ناوچەداریێن قەسروک و باعەدرێ و کەلەکچی و هژمارەکا گۆندا دگەل رووهنکرنا جادا ناوچەداریا ئەتریش و گەهاندنا هێلێن کارەبێ بۆ چیایێ باشیکێ کەفتینە د قووناغا بجهئینانێ دا و گۆت: "د ئەڤ سالە دا بەرێ بنیاتی بۆ پرۆژێ چێکرنا رێیێن ناڤخۆیی ل سەنتەرێ باژێرێ شێخان و ناوچەداریێن باعەدرێ و ئەتریش و پرۆژێ قێرکرنا رێیێن گۆندێن (درویشان بۆ ئاڤدەلی بۆ تلجومەل بۆ زیناڤا کەڤن بۆ پر پیربوب) و قێرکرنا رێیا کەلەکچی بۆ تلجومەل و قێرکرنا رێیا کەلەکچی بۆ گۆندێ گەرمک بچووک و دروستکرن و سەخبێرکرنا رێیا گۆندێن (کانی گۆل و زیناڤا میری) و پرۆژێ ڤەکرنا یاریگەها وەرزشی یا 11 یاریکەری ل سەنتەرێ ناوچەداریا کەلەکچی و پرۆژێ چێکرنا رێیێن ناڤخۆیی ل سەنتەرێ ناحیا کەلەکچی و پرۆژێ ئاڤاکرنا قۆتابخانەکا 18 رێزیی ل سەنتەرێ ناوچەداریا کەلەکچی و پرۆژێ ئاڤاکرنا قوتابخانەکا شەش رێزی ل کۆمەلگەها چرەی و ڤه‌كرنا پرۆژێ ئاڤێ یێ ستراتیژی ژ ئینشكێ بۆ ناوچه‌داریا بامه‌رنێ و پرۆژێ چێكرنا رێیێن ناڤخۆیى بۆ گوندێن وه‌رمێلێ و زێوا شێخ پیراموس و غلبیشى ل سنوورێ ناوچه‌داریا بامه‌رنێ ب گوژمێ 436 ملیۆن دیناران و پرۆژێ چێكرنا رێیێن ناڤخۆیى بۆ گوندێن كانیكا و ئه‌ره‌دنا مه‌سیحیا ل سنوورێ ناوچه‌داریا بامه‌رنێ ب گوژمێ 400 ملیۆن دیناران و پرۆژێ چێكرن و سه‌خبێركرنا رێیێن سه‌نته‌رێ ناوچه‌داریا بامه‌رنێ ب گوژمێ 480 ملیۆن دیناران و پرۆژێ چێكرنا رێیێن گوندێ بێدوهى ل سنوورێ ناوچه‌داریا كانى ماسێ ب گوژمێ 317 ملیۆن دیناران هاتیە دانان".
سکرتێرێ رۆژنامەڤانی یێ پارێزگارێ دهۆکێ خویا کر کو ژ بلی ڤان پرۆژێن خزمەتگۆزاری یێن کو ئاماژە پێ هاتیەکرن چەندین پرۆژێن دی ژی یێن خزمەتگۆزاری د هەمی بواران دا ل دەڤەرێن جودا یێن پارێزگەها دهۆکێ هاتینە بجهئینان و کاروانێ ئاڤەدانیێ دێ هەر یێ بەردەوام بیت و د هەیڤێن داهاتی یێن سالا 2023 دا ژی دێ چەندین پرۆژێن دی یێن خزمەتگۆزاری هێنە ڕاگەهاندن و بجهئینان و هندەک پرۆژێن دی ژی دێ هێنە ڤەکرن و کەڤنە د خزمەتا وەلاتیان دا.
رێوار محەمەد رەشید
