خالد رێكانی: ژڤانە ل حه‌فتیا بهێت پرۆژه یاسایا بۆدجه‌یا عیراقێ بگەهیتە جڤاتا نوونه‌ران
دهۆک-KDP.info- ئەندامەکێ جڤاتا نوونەرێن عیراقێ دیار کر کو ژڤانە ل حه‌فتیا بهێت پرۆژه یاسایا بۆدجه‌یا عیراقێ بگەهیتە جڤاتا نوونه‌ران و پشتی دەنگدان ل سەر دهێتەکرن بهێتە پەسەندکرن و گۆت: "بەنکا ناڤەندی نوکە رێژەکا کێم یا دۆلاری دئێخیتە د بازاری دا ژ بەر ڤێ چەندێ بهایێ دینارێ عیراقی داکەفتیە".
خالد رێکانی، ئەندامێ جڤاتا نوونەرێن عیراقێ بۆ ماڵپەرێ فەرمیێ پارتی دیموکراتی کوردستان ئاشکرا کر کو ژڤانە ل حه‌فتیا بهێت پرۆژه یاسایا بۆدجه‌یا گشتی یا عیراقێ یا سالا 2023 بگەهیتە جڤاتا نوونه‌ران بۆ وێ چەندێ بکەڤیتە بەر دەنگدانێ و بهێتە پەسەندکرن، ئەڤە ددەمەکی دایە کو نوکە ئەڤ پرۆژە یاسایە ل جڤاتا وەزیرێن عیراقا فیدڕالە.
ناڤهاتی ئاماژە دا وێ چەندێ کو چەندین پێنگاڤ بۆ داکەفتنا بهایێ دۆلاری بەرامبەر دینارێ عیراقی هاتینە هاڤێتن ژ بەر کو نوکە دینارێ عیراقی داکەفتنەکا بەرچاڤ بەرامبەر دۆلارێ ئەمریکی بخوەڤە دیتیە و کارتێکرنەکا نەرێنی ل ژیانا وەلاتیان کریە و دڤێت بەنکا ناڤەندی پتر دۆلاری بێخیتە د بازاری دا داکو بهایێ دۆلاری بەرامبەر دیناری داکەڤیت و گۆت: "ئەم وەکو پەرلەمانتار ژی دێ پرۆژەکی ل دۆر ڤی بابەتی پێشکێشی جڤاتا نوونەران کەین بۆ وێ چەندێ بهایێ دۆلاری بەرامبەر دیناری داکەڤیت، سەرەرایی ڤێ چەندێ ل رۆژێن داهاتی دێ شاندەکێ حکومەتا فیدڕال بۆ لێکتێگەهشتنێ و بلندبوونا بهایێ دینارێ عیراقی سەرەدانا ئەمریکا کەت".
رێوار محەمەد رەشید
