ل به‌نداڤا (خنس) ده‌ست ب كوكرنا ئاڤێ هاته‌كرن
دهۆك-KDP.info-رێڤه‌به‌رێ سكرێ دهۆكێ دیار كر كو كار د چێكرنا پرۆژێ به‌نداڤا (خنس) دا ل سنوورێ قه‌زا شێخان یا سه‌ر ب پارێزگه‌ها دهۆكێ ڤه به‌ره‌ف قووناغێن دووماهیێ یه و نوكه به‌نداڤا ناڤهاتى كه‌فتیه د قووناغا كوكرنا ئاڤێ دا.
ئه‌ندازیار فه‌رهاد محه‌مه‌د تاهر، رێڤه‌به‌رێ سكرێ دهۆكێ بۆ ماڵپه‌رێ فه‌رمیێ پارتى دیموكراتى كوردستان دیار كر كو د چارچوڤێ چێكرنا وان به‌نداڤێن نوى دا یێن كو ل سه‌ر ده‌مێ كابینا نه‌هێ یا حكومه‌تا هه‌رێما كوردستانێ ل پارێزگه‌ها دهۆكێ دهێنه چێكرن، به‌نداڤا (خنس) ئێك ژ وان به‌نداڤانه كو كار د چێكرنا وێ دا د قووناغێن دووماهیێ دایه و نوكه به‌نداڤا ناڤهاتى كه‌فتیه د قووناغا كوكرنا ئاڤێ دا.
ناڤهاتى ئاماژه دا وێ چه‌ندێ كو كۆژمێ 9 ملیار و 218 ملیۆن و 486 هزار و 750 دینار ل سه‌ر بۆدجا حكومه‌تا هه‌رێما كوردستانێ بۆ چێكرنا به‌نداڤا (خنس) هاتینه مه‌زاختن و گۆت: "ئه‌ڤى پرۆژه‌ى شیانێن كوكرنا 6.7 ملیۆن مه‌ترێن سێجا یێن ئاڤێ هه‌نه و ل ده‌مه‌كێ نێزیك خه‌لكێ ده‌ڤه‌رێ بۆ مه‌ره‌مێن جودا جودا دێ مفایى ژ ڤێ به‌نداڤێ وه‌رگرن".
رێوار محه‌مه‌د ره‌شید
