پەیامی سەرۆکی حکوومەتی هەرێمی کوردستان بەبۆنەی رۆژی جیهانیی کرێکاران
ھەولێر-KDP.info- مه‌سروور بارزانی، سه‌رۆكی حكوومه‌تی هه‌رێمی كوردستان په‌یامێكی پیرۆزبایی ئاراسته‌ی كرێكاران كرد و رایگه‌یاند، حكوومه‌تی هه‌رێمی كوردستان، به بایه‌خ و ڕێز و پێزانینەوە، لە ڕۆڵ و خزمەت و ماندووبوونی كرێكارانی کوردستان له پرۆسەی ئاوەدانکردنەوە و بنیاتنانی ژێرخانی ئابووری هەرێمی کوردستان دەڕوانێت.
له په‌یامه‌كه‌ی سه‌رۆكی حكوومه‌تی هه‌رێمی كوردستاندا هاتووه: حكوومه‌تی هه‌رێمی كوردستان پابەندبوونی خۆی، بە پاراستنی مافەکانی کرێکاران و ده‌ستەبه‌ركردنی ژیانێکی باشتر و هەلومەرجی کارکردنی لەبارتر و تەندروستتر، دووپات دەکاتەوە.
ده‌قی په‌یامی مه‌سروور بارزانی، سه‌رۆكی حكومه‌تی هه‌رێمی كوردستان بەبۆنەی رۆژی جیهانیی کرێکاران:
به بۆنه‌ی ڕۆژی جیهانیی كرێكاران، گه‌رمترین پیرۆزبایی ئاراسته‌ی كرێكارانی كوردستان و سه‌رجه‌م كرێكارانی جیهان ده‌كه‌م.
حكوومه‌تی هه‌رێمی كوردستان، به بایه‌خ و ڕێز و پێزانینەوە، لە ڕۆڵ و خزمەت و ماندووبوونی كرێكارانی کوردستان له پرۆسەی ئاوەدانکردنەوە و بنیاتنانی ژێرخانی ئابووری هەرێمی کوردستان دەڕوانێت و پابەندبوونی خۆی، بە پاراستنی مافەکانی کرێکاران و ده‌ستەبه‌ركردنی ژیانێکی باشتر و هەلومەرجی کارکردنی لەبارتر و تەندروستتر، دووپات دەکاتەوە.
پیرۆز بێت ڕۆژی جیهانیی كرێكاران.
مەسروور بارزانی
سەرۆکی حکوومەتی هەرێمی کوردستان
