نێچیرڤان بارزانى سه‌رساخیێ ل مالباتا پیر خدر سلێمان دكه‌ت
ژبۆ كۆچا داویێ یا نڤیسكار و لێكۆله‌رێ به‌رنیاسێ ئێزدى، خودێ ژێ ڕازى پیر خدر سلێمان، به‌هیدارى و سه‌رساخیێ ل مالبات و كه‌سوكارێن وى یێن ڕێزدار و ته‌ڤایا نڤیسكارێن كوردستانێ و ئێزدییان ب گشتى دكه‌م، هه‌ڤپارێن خه‌ما وانم. ژ خودایێ مه‌زن هیڤیخوازم جانێ وى ب میهره‌بانى و دلۆڤانییا خۆ شا بكه‌ت و سه‌بر و هه‌دارێ بده‌ته مالبات و كه‌سوكارێن وى.
خزمه‌تا كو خودێ ژێ ڕازى پیر خدر سلێمان ژبۆ ئێزدیاتیێ و وێژه‌یا كوردى كرى چ وه‌ك سەرۆکێ به‌رێ یێ لقا دھۆکێ یا ئیكه‌تییا نڤیسەرێن کورد و ئیكه‌م سەرۆکێ بنگه‌هێ لالش یێ ڕه‌وشه‌نبیری و جڤاكی، هه‌روه‌سا ب نوونه‌راتیا خۆ یا ژبۆ ئێزدییان وه‌ك ئه‌ندامێ به‌رێ یێ په‌رله‌مانێ كوردستانێ، جهه‌كێ هه‌ژى د ناڤ جڤاكا خۆدا گرت و هه‌رتم جهێ ڕێز و پێزانینێ بوو.
بیرهاتنا وی ب خێر و جانێ وى شاد.
نێچیرڤان بارزانى
سه‌رۆكێ هه‌رێما كوردستانێ
2021/11/16
