به‌وێنه.. خەڵكێكی زۆر له بەغدا پشتگیری لە كاندیدانی پارتی دەكەن
بەغدا-KDP.info- بەرپرسی لقی ٥ی پارتی دیموكراتی كوردستان لە بەغدا رایگەیاند، لە بەغدا بانگەشەكردن بۆ كاندیدانی پارتی دیموكراتی كوردستان بەردەوامە و دەشڵێ، ھەموو پێكھاتە و نەتەوەكان پشتگیری لە كاندیدانی پارتی دەكەن و لە كۆبوونەوەكانیشدا خەڵكێكی زۆر بەشداری دەكەن.
شوان محەمەد تەھا، بۆ ماڵپەڕی فەرمیی پارتی دیموكراتی كوردستان گوتی: "لە بەغدا كۆبوونەوەیەكی فراوانی بانگەشەمان بۆ كاندیدانمان لە گەڕەكی كیفاح ئەنجام دا، كە گەڕەكێكی كوردنشینە و بازنەی شەشە، خەڵكێكی زۆر لەو كۆبوونەوەیەدا بەشدار بوون".
تەھا گوتیشی: "ئەوانەی بەشدارییان لەو كۆبوونەوەیەدا كرد، كورد و عەرەب و ھەموو پێكھاتەكان بوون، كە ئەندام و لایەنگرانی پارتی دیموكراتی كوردستانن، چونكە لە بەغدا خەڵكێكی زۆر لە ھەموو پێكھاتەكان پشتگیری لە كاندیدانی پارتی دەكەن و پارتی لەو شارە جەماوەرێكی زۆری ھەیە".
دەشڵێ: "ئێمە بە شێوەیەكی چڕ لە بانگەشەكردن بەردەوامین، بۆ ئەوەی بتوانین كاندیدانمان سەركەوتن بەدەست بێنن".
بڵند ئیبراھیم
