بنگەهێ لالش:پرۆژە یاسایا دادگەها تاوانێن داعشێ ل كوردستانێ گاڤەكا مەزنە ژبۆ دادمەندیا یٔێزدیان
بنگەهێ لالشێ ڕەوشەنبیری و کۆمەڵایەتی ڕاگەهاند، داخوازێ ژ خەلكێ خۆ یێ زەرەرمەند و هەمی شۆلەژێ یا دكەین ب هەمی شێوەیان بەلگەیان كۆمڤە بكن ژبۆ شەرمەزاركرنا تیرۆرستێن سەردەمی.
د بەیانناما بنگەهێ لالش دا کو دانەییەک بۆ مالپەرێ فەرمیێ پارتی دیموکراتی هنارتینە تێدا هاتییە، ب گرنگیدانەكا مەزن ڤە، مە بینەریا روونشتنا جڤاتا وەزیرێن حكوومەتا هەرێما كوردستانێ یا بەرێز كر،كو تێدا پرۆژە یاسایا دادگەها تاوانان یا تایبەت ب تاوانێن داعشێ ل هەرێما كوردستانێ هاتە پەسەندكرن،لدووڤ دا بەیاننامەك ژلایێ رێزدار مەسروور بارزانی سەرۆكێ حكوومەتا هەرێما كوردستانێ ڤە هاتە بەلاڤكرن و دیاركر كو یٔەو یاسا دێ بتە گاڤەك ب یٔاراستەیا سزادانا تاوانباران و یٔینانا دادپەروەرییا زێدەتر بۆ سزادانا تیرۆرستێن سەردەم یێن داعشێ ژبەر تاوانێن ل دژی كوردێن یٔێزدی و پێكهاتان ژ یٔنتیمایێن جودا جودا یێن یٔایینی و نەتەوەی ل دەما دۆرێن سێیەكا عێراقێ ل ناڤەراستا سالا 2014ێ كۆنترۆلكری،دگەل دا دەڤەرێن یٔێزدیان ل شنگالێ كو تاوانێن هۆڤانە و كرێت بگرە ژ كوشتن و دەستدرێژی و كەنیزە و دزین و تالانكرنا كەلوپەلێن خەلكی و شێواندنا مەزارگەهێن پیرۆز زێدەباری گرتنا ب هەزاران كو هێشتا چارەنڤیسێ وان بێ سەروشوونە هەتا یٔیرۆ رۆژ.
د بەیاننامێ دا هاتییە، بێگۆمان پرۆژە یاسایا دادگەها تاوانكارییا تایبەتمەند ب تاوانێن داعشێ یٔەوا حكوومەتا هەرێمێ پەسەندكری یٔێك ژ گاڤێن مەزنە ژبۆ دادمەندیا یٔێزدیان ب شێوەكی تایبەت، چنكو یٔەم دوێ باوەریێ دا بووین كو تۆلڤەكرن ژ تیرۆرستێن داعشێ هەر دێ رۆژەكێ یٔێت،و یٔەم دڤێ مژارێ دا ب تەڤاهی گرێدایی سەركردایەتی و حكوومەتا هەرێما كوردستانێ بووین،كو تاكە پشتەڤانێن راستەقینەیێ یێن یٔێزدیانە،كو دەملدەست كار ژبۆ دامەزراندنا نڤیسینگەها رزگاركرنا گرتیێن یٔێزدی كری و ب مەردانە بوودجەیەك مەزاختی ژبۆ قورتالكرنا ب هەزاران گرتیێن یٔێزدی ژ دەستێن هۆڤێن داعشێ،سەرباری قەیرانا دارایی یا هەرێم ڤەگرتی ژبەر یٔەوا بەغدا ل وی دەمی كری كو پشكا هەرێمێ ژ بوودجەیا یٔتیحادی بری.
د بەشەکی دا ددەتە خویاکرن، بەیانناما سەرۆكێ حكوومەتا هەرێمێ ب شێوەكی رۆن و یٔاشكرا نیازا حكوومەتا هەرێمێ پیشان ددەت بۆ دادگەهكرنا داعشێ ژبەر تاوانێن دژی یٔێزدیان ب تایبەت،و دژی پێكهاتێن دیتر یێن گەلێ عێراقێ،و یٔەم ڤێ بەیاننامێ وەكو بەلگەنامەیەكا دیرۆكی ل قەلەم ددەین دچارچۆڤێ دژە تیرۆر و توندرەویێ و رێگریێ ل دووبارەنەبوونا هەر هەوەكا كۆمكوژیا بكۆم ل دژی یٔێزدیان و پێكهاتێن یٔایینی و یٔەتنیكی،و یٔەم پشتگیریەكا بهێز و رۆن ل گشت پێكهاتێن كورردستانێ دناڤا رێزێن ڤێ بەیاننامێ دا دخوونین،وێ چەندێ پشت راست دكە كو كوردستان پەناگەها یٔارامی یا داویێ یە و كەلها داد و وەكهەڤیێ یە،و قوربانیدانا پێشمەرگەی ژ دەما بزاڤ و شۆرەشێن رزگاریخوازا كوردستانێ ب هەروە نەچۆیە.
ل دوماهیکێ ژی بنگەهێ لالش داخوازییەکێ ئاراستەی خەلکێ ئێزدی دکەت و ددەتە دیارکرن، یٔەم داخوازێ ژ گشت خەلكێ خۆ یێ زەرەرمەندبووی ژ تاوانێن تیرۆرا داعشێ،و دخوازین دام و دەزگەهێن پەیوەندیدار و تەڤایا گرنگیپێدەر دڤی بواری دا بەلگەنامەیان كۆم و دكیۆمێنت بكن كو هەر جۆرە بەلگەیەك بت چ ڤیدیۆ یان وێنە یان نڤیسین یان نامەیێن داعشێ بن،ب یٔارمانجا پێشكێشكرنا ڤان بەلگەنامەیان بۆ ڤێ دادگەهێ كو هیڤیخوازن پەرلەمانێ كوردستانێ پرۆژەی پەسەند بكت وەك یٔەركەكێ نشتیمانی ب زووترین وەخت،ژبۆ یٔینانا تۆلڤەكرنەكا دادپەروەرییانە بۆ هەر یٔێكی پشكدار و هاریكاربووی ل یٔەنجامدانا تاوانێن هۆڤ و كرێت دژی یٔێزدیان و دژی پێكهاتێن دیتر.
کاروان باعەدری
