فه‌رهاد ئه‌تروشى ژبۆ مالپه‌را KTV : به‌رده‌وامین ژبۆ جینوساید ناساندنا پرسا ئه‌نفالكریان

د داخویانیه‌كه‌ تایبه‌ت ده‌ ژبۆ ماڵپه‌را كوردستان تیڤى ئه‌ندامێ جڤاتا نونه‌ران یا ئێراقا فه‌درال سه‌ر ب هه‌ڤالبه‌ندا فراكسیۆنێن كوردستانیڤه‌ فه‌رهاد ئه‌تروشى راگهاند هه‌ڤالبه‌ندا فراكسیۆنێن كوردستانى پێشنیازا ب جینوساید ناساندنا پرۆسه‌سا ئه‌نفالان ژ جڤاتا نونه‌رێن ئێراقا فه‌درال كریه‌.

ئه‌تروشى هه‌روه‌ها خوه‌یا كر كو هه‌ڤالبه‌ندا فراكسیۆنێن كوردستانی وه‌كه‌ پرسا كیمیابارنكرنا باژارێ هه‌له‌بجه‌ د ده‌مێن بۆری د هه‌ولێن خوه‌ده‌ ژبۆ ب جینوساید ناساندنا پرۆسه‌سا ئه‌نفالان ژى یا به‌رده‌وامه‌.

هه‌روه‌ها گوت ئیرۆ سه‌رۆكێ جڤاتا شه‌هیدا و گرتیێن سیاسى د جڤاتا نونه‌ران ده‌ ئه‌ڤ داخویانیا فراكسیۆنێن كوردستانی لدور ڤێ پرسێ ڤه‌خواند و ب گوڕ و تینه‌كه‌ ب هێزڤه‌ پشتگیریا خوه‌ ژبۆ ڤێ پێشنیازى دیاركر كو پرۆسه‌سا ئه‌نفالكریان ژبال رژێما روخیای یا به‌عسڤه‌ ل دژى كوردان هاتیه‌ ئه‌نجامدان، و پێویسته‌ ئه‌و پرس ب جینوساید بێ ناسكرن.

هه‌روه‌ها هن ئالیێن دی یێن سیاسى ژى د جڤاتا نونه‌ران ده‌ پشتگیریا ڤێ پێشنیازێ كر و ته‌كه‌ز كر كو تو هه‌ڤدژی د جڤاتا نونه‌ران ده‌ ژبۆ ره‌تكرنا وێ پیشنیازى ژبال تو ئالیێن سیاسیڤه‌ نه‌هاته‌ تێبینیكرن، و ئه‌م به‌رده‌وامین لسه‌ر هه‌ولێن خوه‌ ژبۆ بجه كرنا ڤێ پرسێ، ژبۆ لێژنه‌یا شه‌هید و گرتیێن سیاسى د جڤاتا نونه‌ران ده‌ راپۆره‌كێ لدور ڤێ پرسێ ده‌ربخه‌، یان ژى بریارا داویێ لسه‌ر ب جینوساید ناساندنا پرسا ئه‌نفالكریان بێ ده‌رخستن.